CHK «Dynama-Minsk» atrymaŭ pieršuju pieramohu ŭ sioletnim čempijanacie KCHŁ
11 vieraśnia ŭMinsk-Arenie dynamaŭcy atrymali pieramohu nad jarasłaŭskim «Łakamatyvam» — 3:0 (0:0, 0:0, 3:0).
Usie try šajby byli zakinutyja ŭ apošnim pieryjadzie. Napačatku vyznačyŭsia Alaksandr Kułakoŭ (41:19, asistent — Devid Niemiroŭski, u bolšaści), potym paśla vydatnaha prachodu Devida Niemiroŭski šajbu zakinuŭ Maksim Śpirydonaŭ (55:45). Za niekalki chvilin da kanca pieryjadu jarasłaŭcy źniali varatara — i atrymali treciuju šajbu ŭ pustyja varoty (Kułakoŭ, 58:01, asistent Siarhiej Varłamaŭ).
Varoty «Dynama» baraniŭ Andrej Miezin, i takim čynam heta jahony pieršy matč na nul u sioletnim čempijanacie Kantynientalnaj chakiejnaj lihi (letaś u Miezina takich hulniaŭ nie było). A «Dynama», nahadajem, u pieršym matčy prajhrała doma nižaharodskamu «Tarpieda» — 1:3.
Ciapier «Dynama» praviadzie try hulni na vyjeździe:
u paniadziełak, 13 vieraśnia suprać navakuźnieckaha «Mietałurha», 15 vieraśnia — suprać «Sibiry» (Novasibirsk), 17 vieraśnia — suprać «Amura» (Chabaraŭsk),
potym budzie try matčy ŭ Minsku: «Ak Bars» (21 vieraśnia), «Naftachimik» (23 vieraśnia), «Aŭtamabilist» (25 vieraśnia).
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary