Pradprymalniki HD «Ždanovičy» dabilisia źnižeńnia arendnaj płaty
Pradprymalniki HC "Śviet mody" TAA "Handlovy dom "Ždanovičy" dabilisia źnižeńnia stavak arendnaj płaty na 15—26%. U cełym arendnaja płata źniziłasia na 300—530 tysiač rubloŭ u miesiac,
paviedamiŭ BiełaPAN staršynia RHA "Pierśpiektyva" Anatol Šumčanka.
Nahadajem, 3 maja RHA "Pierśpiektyva" źviarnułasia ŭ Kamitet dziaržkantrolu z prośbaj uziać pad kantrol pytańni ŭstanaŭleńnia arendnaj płaty HC "Śviet mody" HD "Ždanovičy". U svaim liście hramadskaje abjadnańnie źviarnuła ŭvahu KDK na toje, što arandadaŭca nie vykarystaŭ prava ŭstanaŭleńnia panižalnych kaeficyjentaŭ da arendnaj płaty ŭ adpaviednaści z ukazam prezidenta № 518. Zamiest hetaha pradprymalnikaŭ biez tłumačeńniaŭ pastavili pierad faktam čarhovaha pavyšeńnia stavak arendnaj płaty.
U pryvatnaści, u handlovym kompleksie "Śviet mody 2", "Śviet mody 3" (1-y pavierch) pavyšeńnie arendnaj płaty ŭ sakaviku ŭ paraŭnańni ź lutym skłała 12% (u siarednim 250 tys. rubloŭ u raźliku na adzin paviljon). Za studzień—sakavik u handlovym kompleksie "Śviet mody 5" (1-y pavierch) ahulnaje pavyšeńnie arendnaj płaty skłała bolš jak 25% (410 tys. rubloŭ u raźliku na adzin paviljon).
"My zadavoleny tym, što naš zvarot prynios vynik, — paviedamiŭ BiełaPAN Šumčanka. — Na samoj spravie takija rečy adbyvajucca redka. Heta chutčej vyklučeńnie z praviłaŭ. Razam z tym heta charakterny prykład, jaki paćviardžaje, što pry najaŭnaści prablem pradprymalniki nie pavinny maŭčać, a pavinny zmahacca za svaje pravy".
Kamientary