Spyniena dziejnaść Centra pravavoj abarony ŚMI pry hramadskim abjadnańni »Biełaruskaja asacyjacyja žurnalistaŭ» (BAŽ). Takoje rašeńnie pryniata 30 sakavika na pasiadžeńni rady BAŽ u Minsku.
Rašeńnie było pryniata ŭ metach vykanańnia papiaredžańnia Ministerstva justycyi, vyniesienaha arhanizacyi 13 studzienia 2010 hoda. Miniust paličyŭ, što rabota Centra pravavoj abarony ŚMI pry BAŽ nie praduhledžana statutam hramadskaha abjadnańnia. Akramia taho, na dumku Miniusta, zadačy hetaha farmiravańnia, vykładzienyja ŭ pałažeńni ab im, vychodziać za miežy statutnych zadač HA «BAŽ».
BAŽ pasprabavaŭ abskardzić papiaredžańnie ŭ Viarchoŭnym sudzie. Adnak sud nie zadavoliŭ isk BAŽ ab admienie papiaredžańnia i 22 sakavika abaviazaŭ arhanizacyju vypravić parušeńni, vykładzienyja ŭ papiaredžańni Miniusta.
Akramia taho, rada hramadskaj arhanizacyi pryniała rašeńnie
ličyć paśviedčańni členaŭ BAŽ z nadpisam «presa» na vokładcy ŭzoru 2003 hoda niesapraŭdnymi z 22 sakavika 2010 hoda.
Heta taksama patrabavańnie Miniusta, vykładzienaje ŭ papiaredžańni.
Jak paviedamiŭ na pasiadžeńni rady namieśnik staršyni BAŽ Andrej Bastuniec, Miniust zapatrabavaŭ zabiaśpiečyć adabrańnie pryznanych niesapraŭdnymi paśviedčańniaŭ BAŽ z nadpisam «presa» i zabiaśpiečyć dalejšuju niemahčymaść ich vykarystańnia. »Ščyra kažučy, ja nie ŭjaŭlaju, jak heta možna zrabić, bo členaŭ BAŽ bolš za tysiaču. Hramadskaja arhanizacyja nie maje siłavoj struktury, jak, naprykład, instytut sudovych prystavaŭ, jakija taksama časam hadami nie mohuć vykanać pastanovy suda. Tamu my, chutčej za ŭsio, raźmieścim abjavu ab pryznańni niesapraŭdnymi paśviedčańniaŭ uzoru 2003 hoda ŭ časopisie «Abažur», hazietach «Respublika» i «Narodnaja vola», a taksama na sajcie www.baj.by«, — adznačyŭ Bastuniec.
Akramia taho, zhodna z papiaredžańniem, na sajcie BAŽ budzie vypraŭlena «vizitka» arhanizacyi i pryviedziena ŭ adpaviednaść sa statutam arhanizacyi.
«Takim čynam my vypravim usie niedaliki, jakija byli vykładzieny ŭ pretenzijach Miniusta», — skazaŭ Bastuniec.
-
Nastupnaj nočču Jeŭropa pierachodzić na zimovy čas. Ci treba pieravodzić strełki hadzińnikaŭ biełarusam?
-
50-hadovaha žychara Minskaha rajona prysudzili da piaci hadoŭ kałonii za danaty pravaabarončym inicyjatyvam i palitviaźniam
-
Prapahandyst Biahun, jaki vajuje na baku Rasii, uziaŭ sabie pazyŭny «Špic»
Adzina pravilnaja taktyka dla biełarusaŭ padčas ciapierašnich «vybaraŭ» — bierahčy siabie23
Kamientary