Pavodle vynikaŭ 2009 hoda Biełaruś zajmaje čaćviortaje miesca ŭ SND pa ŭzroŭni siaredniaj zarabotnaj płaty, jakaja skłała 356 dalaraŭ ZŠA. Takija źviestki Biełstata.
Biełaruś apiaredzili Rasija (628 dalaraŭ u ekvivalencie), Kazachstan (455 dalaraŭ) i Azierbajdžan (371 dalar). Ukraina zaniała piataje miesca — 239 dalaraŭ.
Pavodle źviestak Biełstata, u 2009 hodzie naminalnaja siaredniamiesiačnaja zarpłata ŭ krainie skłała 998,3 tys. rubloŭ. U realnym vyličeńni jana źmienšyłasia na 0,4% da ŭzroŭniu 2008 hoda. Pavodle papiarednich źviestak, siaredniaja zarabotnaja płata na pradpryjemstvach małoha biźniesu pavialičyłasia na 5%.
Apłata pracy skłała 56,4% u struktury hrašovych dachodaŭ nasielnictva, tranśfierty nasielnictvu (piensii, dapamohi, stypiendyi) — 18,7%, dachody ad ułasnaści (pracenty pa depazitach, dyvidendy i inšyja raschody) — 2,6%, inšyja dachody (pastupleńni ad prodažu sielskahaspadarčaj pradukcyi, dachody ad pradprymalnickaj dziejnaści, inšyja pastupleńni) — 22,3%. Hrašovyja dachody ŭ raźliku na dušu nasielnictva ŭ 2009 hodzie skłali 755,3 tys. rubloŭ u miesiac i pavialičylisia ŭ realnym vyražeńni na 2,9%. Samy vysoki temp pryrostu naziraŭsia ŭ Minsku — 8,6%. Źnizilisia hrašovyja dachody ŭ raźliku na dušu nasielnictva ŭ Mahiloŭskaj vobłaści — na 1,3%.
Siaredni pamier pryznačanaj piensii ŭ 2009 hodzie skłaŭ 429,5 tys. rubloŭ, što ŭ realnym vymiareńni na 0,2% bolš, čym u 2008 hodzie. Dla paraŭnańnia, u dalaravym ekvivalencie siaredniaja piensija ŭ Rasii skłała 204, va Ukrainie — 129, u Biełarusi — 150.
Adzina pravilnaja taktyka dla biełarusaŭ padčas ciapierašnich «vybaraŭ» — bierahčy siabie23
Kamientary