Ruskuju maśleničnuju zabavu čamuści vyrašyli pravieści ŭ Mahilovie z nahody Novaha hoda.
Pieršy čempijanat pa kidańni valonka ŭ Mahilovie adbyŭsia ŭ parku Padnikolle, u im uziali ŭdzieł niekalki dziesiatkaŭ čałaviek. Udzielnikaŭ padzialili na try katehoryi: chłopčyki i dziaŭčynki da 10 hadoŭ uklučna, junaki i dziaŭčaty ad 11 da 17 hadoŭ, mužčyny i žančyny starejšyja za 18 hadoŭ.
Paśla kvalifikacyjnych spabornictvaŭ žury adabrała pa piać lepšych kidaŭcoŭ valonka, jakija zmahalisia ŭ finale. Udzielniki kidali valonak 43-ha pamieru. 10-hadovy mahiloviec Ivan Alaksiejev, naprykład, zakinuŭ «snarad» na 18 mietraŭ. A dyrektar miascovaha centra alimpijskaha reziervu pa lohkaj atletycy Dźmitryj Čyhir kinuŭ valonak na 35 mietraŭ.
Uvohule, kidańnie valonka — heta ruskaja maśleničnaja tradycyja. U Rasii valonki ŭ staradaŭnija časy kidali navat praz raku. Na terytoryi Biełarusi taki abutak raspaŭsiudziłasia tolki ŭ XIX stahodździ. Siońnia ŭ Biełarusi valonki vyrablajuć u Śmiłavičach. Abutak taksama robiać šapavały na Drybinščynie.
Reśpiekty ad daktaroŭ i śpiecyfika ŭ vojsku. Pryncypova biełaruskamoŭny junak raskazaŭ, jak jon adsłužyŭ7
Kamientary