Učarašni viecier źnios i pałamaŭ u čałavieka ciaplicu za 1500 dalaraŭ
Niezvyčajnym videa sa svajho ŭčastka padzialiŭsia čytač vydańnia «Anłajnier», jaki žyvie ŭ Minskaj vobłaści. Usiaho za niekalki siekund liryčnaja karcinka źmianiajecca na «ciapličny chorar». Vinavatym byŭ mocny viecier, jaki spačatku zakružyŭ vypadkovy pakiet, a potym sabraŭsia ź siłami i paciahnuŭ za saboj parnik.
Vielizarnuju — pamieram 12 na 4 mietry — ciaplicu małady čałaviek nabyŭ u pačatku vieraśnia. Raźličvaŭ, što kanstrukcyja ź mietaličnaha karkasa i polikarbanata budzie słužyć jamu doŭhija hady, tym bolš što i kaštavała ciaplica ažno 4713 rubloŭ.
Raboty nad jaje ŭstanoŭkaj pačalisia ŭ kastryčniku, ale pa roznych pryčynach haspadar nie paśpieŭ ich chutka zaviaršyć.
«Na ŭstanoŭku ciaplicy ŭ mianie pajšoŭ prykładna miesiac, dy i toje nie atrymałasia zrabić usio, što płanavaŭ. I da ŭčarašniaha dnia jana nie była zamacavanaja jak śled. Hruba kažučy, ciaplica była prykručanaja drotam za nižnija častki da došak, jakija na ankierach byli prykručanyja da palaŭ. Nižnija častki trymalisia na sistemie «krab».
Jak tolki vietravaja nahruzka pieravysiła krytyčnuju, usie «kraby» razahnulisia i ciaplica palacieła (na videa navat vidać, što nie chapaje nižnich častak). Razumieju, što kankretna heta moj kasiak. Choć i da samoj kanstrukcyi ŭ mianie nie raz ŭźnikali pytańni», — apisvaje pieradumovy dla nadzvyčajnaha zdareńnia małady čałaviek.
Ciaplica pralacieła kala 70 mietraŭ i pryziamliłasia na ŭčastku susieda. Na ščaście, ludziej na terytoryi ŭ hety čas nie było, tamu nichto nie paciarpieŭ. Acaleli i ŭsie raśliny.
«Siońnia pajdu da susieda na ŭčastak, budu prybirać toje, što ad jaje zastałosia. Stan tam varty žalu. Samaje ž cikavaje, što kamiera, jakaja i zachavała palot, visić na druhoj ciaplicy koštam usiaho $700. Jana mienšaja i paŭkruhłaja (schilajusia da taho, što heta aptymalny varyjant formy). I jana zastałasia stajać na miescy», — dzielicca dačnymi nazirańniami małady čałaviek.
Kamientary