Treci tankier «Vołhanafta» padaŭ sihnał biedstva. Dva jaho subraty dniami zatanuli
Užo treci za niekalki dzion rasijski tankier «Vołhanafta» padaŭ sihnał biedstva. Jon pieravozić mazut.
Treci rasijski tankier ź sieryi «Vołhanafta» padaŭ sihnał biedstva ŭ rajonie porta Kaŭkaz u Čornym mory. Na sudnie adbyłasia ŭciečka hruzu — mazutu.
Kapitan tankiera «Vołhanafta-109» padaŭ sihnał biedstva 17 śniežnia a 00:30. Jon paviedamiŭ, što ŭ sudna, jakoje pieravoziła 4000 ton mazutu, parušanaja hiermietyčnaść čaćviortaha hruzavoha tanka i mazut vyciakaje ŭ bałasny tank. Pry hetym hiermietyčnaść samoha korpusa sudna, ź jahonych słoŭ, nie parušanaja, mazut u vadu nie vyciakaje, piša «Baza».
Na borcie «Vołhanafta-109» znachodziacca 14 členaŭ ekipaža. Kapitanu prapanavali evakujavać ekipaž, ale jon admoviŭsia i paprasiŭ źmianić jakarnuju stajanku. Ciapier «Vołhanafta-109» znachodzicca ŭ rajonie Kučuhury na paŭdniova-ŭschod ad mysa Piekła ŭžo ŭ Azoŭskim mory.
15 śniežnia dva tankiery, «Vołhanafta-212» i «Vołhanafta-239», paciarpieli krušeńnie ŭ Kierčanskim pralivie. Paśla katastrofy mazut z tankieraŭ prybiła da bierahoŭ Krasnadarskaha kraju — plažy pačarnieli, ad mazutu paciarpieli žyvioły. Miascovyja žychary nazyvajuć toje, što adbyvajecca, ekałahičnaj katastrofaj, na miescy pracujuć bolš za 250 supracoŭnikaŭ MNS.
Kamientary