Žycharka Pinska pradała aŭtamabil 2018 hoda za 600 rubloŭ. Što pajšło nie tak?
Ekśpiery praviali pieraacenku. I što ŭ vyniku vyjšła?
U sud Pinskaha rajona i Pinska źviarnuŭsia mužčyna. Pazoŭ da byłoj žoncy nakont padziełu sumiesna nažytaj majomaści razhledžany na sudovym pasiadžeńni. Jak akazałasia, baki nie mohuć pryjści da pahadnieńnia ab košcie sprečnaha aŭtamabila «Mitsubishi 2018 hoda vypusku, jaki byŭ nabyty ŭ šlubie, paviedamiŭ Dziaržkamitet sudovych ekśpiertyz.
Adkazčyca patłumačyła, što pradała transpartny srodak dva hady tamu za 600 rubloŭ. Z takim rašeńniem žonki mužčyna nie zhodny, bo viedaje, što aŭtamabil kaštuje ŭ razy daražej. Była pryznačanaja ekśpiertyza.
Zhodna z zaklučeńniem ekśpierta ŭpraŭleńnia Dziaržaŭnaha kamiteta sudovych ekśpiertyz pa Bresckaj vobłaści reštkavy košt aŭtamabila biez uliku jaho faktyčnaha stanu składaje bolš za 72 tys. rubloŭ.
Vypadki acenki transpartnaha srodku pry šlubarazvodnym pracesie sustrakajucca ŭ ekśpiertnaj praktycy. Časam uźnikajuć situacyi, kali adzin z bakoŭ nie zhody z prapanavanaj sumaj za aŭtamabil. Zaklučeńnie aŭtatavaraznaŭčaj ekśpiertyzy dapamahaje abjektyŭna acanić košt transpartnaha srodku i vyrašyć sprečnaje pytańnie, piša DKSE.
Kamientary