U centry Minska za daŭhi pradajuć pamiaškańni pieršaj pryvatnaj sietki aptek u Biełarusi
Na vulicy Bahdanoviča na tarhi vystavili dva pamiaškańni, jakija naležać kampanii «Biełfarm». Pamiaškańni pradajuć u košt pahašeńnia daŭhoŭ.
Tarhi pa abodvuch łotach adbuducca 28 śniežnia. Infarmacyja pra abjekty źjaviłasia na sajcie «BiełJurZabieśpiačeńni».
Abodva pamiaškańni znachodziacca ŭ centry Minska, u rajonie Opiery (vuł. Bahdanoviča, 25 i 27). Ich košt składaje $513 tys. i $320 tys. adpaviedna.
Farmdystrybjutar «Biełfarm» źjaviŭsia na biełaruskim rynku ŭ 1991 hodzie. Doŭhi čas heta była adzinaja pryvatnaja struktura, jakaja mieła hienieralnuju licenziju na impart miedykamientaŭ. Kampaniju ŭznačaliŭ Andrej Ščabroŭ. Viasnoj 1992 hoda jon adkryŭ pieršuju pryvatnuju apteku ŭ krainie i pieršuju valutnuju apteku na postsavieckaj prastory, jakaja znachodziłasia na vuł. Jakuba Kołasa, 43.
Adnoj ź pieršych «Biełfarm» pačała pastaŭlać u Biełaruś «Śmiektu», «Miezim», a taksama kaśmietyku brenda Fa.
Najlepšyja hady dla kampanii pryjšlisia na pačatak 2000-ch, a ŭ 2010 hodzie apteki «Biełfarm» zajmali druhoje miesca paśla dziaržaŭnaj «Biełfarmacyi» pa kolkaści punktaŭ.
U 2022 hodzie «Biełfarm» pradała vialikuju kolkaść svaich punktaŭ sietcy «Vostraŭ zdaroŭja» Viktara i Aksany Ramukoŭ.
Što za studentka Uljana, ź jakoj na bali valsiravaŭ Łukašenka?16
Kamientary