U Krasnadary mužčyna zarezaŭ susiedziaŭ i spaliŭ ich dom. Ale z zały suda jaho adrazu adpuścili na vajnu
Mužčynu pryznačyli 18 hadoŭ kałonii i adrazu ž pieradali vajskoŭcam.
Alaksandr Ściašuk atrymaŭ sudzimaść za zabojstva, razboj, kradziež i rabavańnie. U 2021 hodzie jon prakraŭsia ŭ dvor pažyłoj pary i zabiŭ ich nažom.
Paśla hetaha mužčyna zabraŭ z domu kaštoŭnyja rečy, 140 tysiač rubloŭ (na toj momant prykładna 2000 dalaraŭ) i padpaliŭ dom, kab schavać svaje ślady złačynstva, pišuć «Ostorožno, novosti».
Krajovy sud u Krasnadary prysudziŭ Ściešuka da 18 hadoŭ kałonii i adrazu ž razhledzieŭ chadajnictva ab adpraŭcy jaho na vajnu suprać Ukrainy.
Asudžanaha złačyncu pryznali prydatnym da słužby pa kantrakcie i adpuścili na front u zale suda. Pradstaŭniki abarony i abvinavačvańnia nie piarečyli. Z zały suda mužčynu pieradali ŭpaŭnavažanaj vajskovaj asobie.
Što za studentka Uljana, ź jakoj na bali valsiravaŭ Łukašenka?9
Kamientary