Navukoŭcy razhadali sakret taho, čamu ludzi nie mohuć advieści vačej ad šedeŭra Iahana Viermiejera.
Karcina Iahana Viermiejera «Dziaŭčyna z žamčužnaj zavušnicaj», napisanaja ŭ XVII stahodździ, — adzin z samych viadomych i papularnych u śviecie šedeŭraŭ mastactva, jaki časta paraŭnoŭvajuć z «Mona Lizaj» Leanarda da Vinčy. Muziej Maŭrycchiojs u Haazie, dzie znachodzicca aryhinał tvora Viermiejera, zakazaŭ daśledavańnie, kab zrazumieć, čamu «Dziaŭčyna z žamčužnaj zavušnicaj» pryciahvaje tak šmat uvahi na fonie astatnich karcin u kalekcyi muzieja.
Jak piša navukovy časopis Phys.org, daśledčyki z dapamohaj najnoŭšych niejrabijałahičnych technałohij vyśvietlili, što pry prahladzie karciny Viermiejera ŭźnikaje ŭnikalnaja nieŭrałahičnaja reakcyja, jakuju jany nazvali «ŭstojlivaj cykličnaj uvahaj». Voka čałavieka aŭtamatyčna pieramiaščajecca pamiž tryma kropkami karciny: vokam dziaŭčyny, jaje rotam i samoj žamčužnaj zavušnicaj. Hety cykł za adzin ahlad paŭtarajecca niekalki razoŭ, što stvaraje efiekt doŭhaterminovaj uvahi.
Testy pravodzilisia z vykarystańniem trekiera pohladu, rytmu serca i pryłady dla adsočvańnia mazhavych chvalaŭ na 10 dabraachvotnikach, jakija hladzieli na aryhinał i kopiju «Dziaŭčyny z žamčužnaj zavušnicaj». Emacyjnaja reakcyja hledačoŭ na aryhinał u muziei była ŭ 10 razoŭ macniejšaja, čym na kopiju.
«Mozh reahuje na karcinu mocnaj aktyŭnaściu ŭ vobłaści, źviazanaj sa śviadomaściu i ŭśviedamleńniem ułasnaj identyčnaści. Na kopiju tvora padobnaj reakcyi ŭ ludziej nie było, što dla nas stała niečakanaściu. Heta daśledavańnie stała pieršym, u jakim vykarystoŭvalisia EEH i MRT dla vymiareńnia niejrałahičnaj reakcyi na tvory mastactva», — raskazali supracoŭniki navukova-daśledčaj kampanii Neurensics.
Martyna Hosielink, dyrektarka muzieja Maŭrycchiojs, adznačyła, što zvyčajna Iahan Viermiejer u svaich tvorach fakusavaŭ uvahu hledačoŭ tolki na adnoj kropcy, ale ŭ «Dziaŭčynie z žamčužnaj zavušnicaj» takich kropak akazałasia adrazu try, što robić pracu ŭnikalnaj.
Ci stała praściej zapisacca na polskuju vizu paśla ŭviadzieńnia fotavieryfikacyi? Dośvied čytačoŭ7
Kamientary