Hruzinskaja apazicyja anansavała pačatak štodzionnych pratestaŭ suprać falsifikacyi vybaraŭ

Arhanizatarami akcyi vystupili apazicyjnyja abjadnańni «Kaalicyja za pieramieny», «Adzinstva — nacyjanalny ruch» i «Mocnaja Hruzija».

U falsifikacyjach vybaraŭ jany abvinavacili kiroŭnuju partyju «Hruzinskaja mara» miljardera Bidziny Ivanišvili, abvieščanuju pieramožcam na vybarach.

U mitynhu, pa roznych acenkach, uziali ŭdzieł ad 10 da 15 tysiač čałaviek. Padčas jaho adzin ź lidaraŭ «Kaalicyi za pieramieny» Niko Mielija abviaściŭ, što ź siońniašniaha dnia akcyi buduć nasić štodzionny charaktar. Pavodle jaho słoŭ, akcyi majuć namier sfarmavać «adzin mahutny pratesny ruch, jaki zrynie režym».

Pavialičyć

Asnoŭnyja patrabavańni i pryncypy hruzinskaj apazicyi na mitynhu ahučyŭ adzin ź lidaraŭ partyi «Adzinstva — nacyjanalny ruch» Hieorhij Vašadze:

• Niepryznańnie vybaraŭ i niepryznańnie lehitymnaści parłamienta;
• Patrabavańnie pryznačeńnia novych vybaraŭ;
• Praciah źbirańnia dokazaŭ i padrychtoŭka dakumientacyi dla mižnarodnaha rasśledavańnia;
• Pačatak ruchu supracivu i razhortvańnie frontu supracivu spačatku ŭ Tbilisi, a zatym pa ŭsioj Hruzii;
• Kožny nastupny pratest budzie ŭsio bolš vostrym i aryjentavanym na bolš kankretnyja mety.

Paśla zakančeńnia mitynhu apazicyjaniery prajšlisia pa Tbilisi šeściem i časova pierakryli aŭtamabilny ruch na moście Baratašvili ŭ centry horada — heta adna z hałoŭnych transpartnych arteryj hruzinskaj stalicy. Palicyja hetym dziejańniam nie pieraškadžała. 

Zaŭtrašniaja akcyja maje prajści kala tbiliskaha Pałaca sportu.

Siarod udzielnikaŭ akcyi była zaŭvažanaja suśvietna viadomaja šviedskaja ekałahičnaja aktyvistka Hreta Tunbierh, jakaja śpiecyjalna dziela hetaha prylacieła ŭ Hruziju. 

Pavialičyć

Parłamienckija vybary ŭ Hruzii prajšli 26 kastryčnika. Pavodle źviestak hruzinskaha CVK, kiroŭnaja partyja «Hruzinskaja mara», jakaja niaźmienna znachodzicca pry ŭładzie z 2012 hoda, nabrała 53,93% hałasoŭ

​​Apazicyjnaja partyja «Kaalicyja za pieramieny» nabrała 11,03%, «Adzinstva — nacyjanalny ruch» — 10,16%, «Mocnaja Hruzija» — 8,81%, «Hacharyja — za Hruziju» — 7,76%.

Apazicyja nie zhodnaja z vynikami hałasavańnia. «Adziny nacyjanalny ruch», «Kaalicyja za pieramieny» i «Mocnaja Hruzija» zajavili, što nie pryznajuć vyniki vybaraŭ. Ich padtrymała prezidentka Hruzii Sałamie Zurabišvili.

• 3
• 0
• 1
• 0
• 0
• 0
• 0
• 0