«Demakratyja — heta možna žančynu hałavoj ab ścienku, kroŭ chvošča va ŭsie baki». Łukašenka raskazaŭ pra demakratyju
Alaksandr Łukašenka na Respublikanskim piedsaviecie prakamientavaŭ aryšt u Francyi zasnavalnika miesiendžara Telegram Paŭła Durava i raspavioŭ pra toje, što takoje demakratyja.
Łukašenka zhadaŭ Durava i demakratyju «ŭ kantekście adukacyi, bo mnohija z tych, chto drenna vučyŭsia ŭ škole, potym pačynajuć krytykavać uładu i havaryć, što niedzie na Zachadzie, naprykład, u Francyi, lepš, čym na Radzimie», piša BIEŁTA.
«Bačyli ŭčora ŭ Francyi jak lepš. I ja ich nie asudžaju. Jany pravilna pastupajuć. Duravy — nie Duravy… Vinavaty – idzi adkazvaj.
Tolki da nas navošta pradjaŭlać pretenzii, kali my pačynajem siabie abaraniać takimi ž mietadami, jak jany?» — paraŭnaŭ Łukašenka.
Łukašenka taksama raskazaŭ nibyta pra razmovu prezidenta Francyi Emanuela Makrona i Uładzimira Pucina — pra jaje, pavodle jaho słoŭ, jamu raspavioŭ Pucin.
Sprava, pieradaje BIEŁTA, była paśla vybaraŭ u Biełarusi, i francuzski lidar u telefonnaj razmovie z Pucinym zhadaŭ pra biełaruskuju tematyku: «Voś, u ciabie tam siabar u Biełarusi, palitviaźni… (paśla vybaraŭ heta była razmova)», — kaža Łukašenka. — Pry hetym u samoj Francyi ŭ toj ža čas bušavali akcyi «žoŭtych kamizelek».
«Pomnicie, jany mačyli tam, nie hledziačy na toje, žančyna — nie žančyna.
I Pucin raspaviadaje: «A ja jamu kažu: Emanuel, ty pahladzi, što ŭ Francyi dziejecca». Vy ž, kaža, biez razboru bjacie ŭsich tam — žančyn i inšych, a ty paprakaješ Łukašenku. A jon kaža: «Dyk u nas ža demakratyja, nam heta možna. A ŭ jaho tam dyktatura».
«Viedajecie, demakratyja — heta «možna žančynu hałavoj ab ścienku, kroŭ chvošča va ŭsie baki». U Amierycy možna tam čarnaskuraha zadušyć i ničoha nie budzie. A siońnia Durava aryštavali. Tamu ja chaču, kab vy voś heta (sutnaść zachodniaj demakratyi. — Zaŭvaha BIEŁTA) adčuli i ŭkłali ŭ hałavu našym školnikam»,
— dadaŭ Alaksandr Łukašenka, źviartajučysia da piedahohaŭ.
Kamientary