Sa dna Dunaja ŭ Sierbii pačali padymać Čarnamorski fłot Treciaha rejcha
Maštabnaja apieracyja pa ŭźniaćci sa dna Dunaja fłotu nacysckaj Hiermanii pačałasia ŭ rajonie horada Prachava ŭ Sierbii. Karabli 80 hadoŭ tamu byli zatoplenyja, kab nie dastalisia Čyrvonaj armii, piša Bild.
U 1944 hodzie nacysckaja Hiermanija chacieła evakuiravać bolš za 200 bajavych karabloŭ i hruzavych sudnaŭ Čarnamorskaha fłotu i Dunajskaj fłatylii. Ich płanavali padniać uvierch pa Dunai da terytoryi Hiermanii. Ale ŭ žniŭni Čyrvonaja armija vyjšła na bierah raki vyšej pa ciačeńni i zabłakavała prachod.
Tady karabli vyrašyli zatapić. Tak jany i lažali na dnie raki da našych dzion, zaminajučy pry hetym sudnachodstvu. Štohod mima Prachava prachodziać da tysiačy sudnaŭ, u tym liku kruiznych łajnieraŭ, a paśla zasuchi leta 2022 hoda i padzieńnia ŭzroŭniu vady ŭ race prablema paŭstała asabliva vostra.
Jeŭrasajuz vydzieliŭ na padniaćcie niamieckich karabloŭ 30 miljonaŭ jeŭra. U sieradu sa dna padniali pieršy ź ich, a ŭ najbližejšyja miesiacy źbirajucca dastać jašče 20. Paśla ŭ płanach padymańnie jašče kala 80 štuk. Asablivuju ciažkaść składaje pravierka vybuchoŭki na borcie i jaje raźminiravańnie.
Sierbskija ŭłady abiacajuć, što častku patanułaha nacysckaha fłotu vystaviać na ŭsieahulny ahlad.
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju21
Kamientary