Na Minsk abrynułasia mahutnaja zaleva, z-za čaho niekatoryja rajony stalicy surjozna padtapiła.
U vyniku va Uruččy i rajonie Zialonaha Łuha častkova spyniŭsia hramadski transpart.
Tak, pavodle paviedamleńnia «Minsktransa», na vulicy Haradzieckaj va Uruččy nie chadzili aŭtobusy №99, na vulicach Rusijanava i Šafarnianskaj, praśpiekcie Niezaležnaści adbyłosia prypynieńnie ruchu aŭtobusaŭ na maršrutach №15, 31, 33, 80, 86, 99, 135, 155, 167, 169, 194s, 195 i tralejbusaŭ №2t, 37, 41, 61.
Na Łahojskim trakcie i vulicy Kalinoŭskaha ŭ abodvuch napramkach nie chadzili aŭtobusy na maršrutach №13, 37, 37d, 80, 113s, 115e, 145s i tramvai maršrutaŭ №1, 5, 6, 11.
Na vulicach Knoryna i Kalinoŭskaha adbyłosia prypynieńnie ruchu aŭtobusaŭ na maršrucie №13, 37, 37d i tralejbusaŭ na maršrutach №29, 61.
Prablemy z transpartam nazirajucca na Kazinca kala MKAD, praśpiekcie Haziety «Źviazda» i Partyzanskim praśpiekcie ŭ rajonie Motavieła.
Kamientary