Homielcu za daŭhi zabaranili vyjazdžać ź Biełarusi. Jon paskardziŭsia Łukašenku na «prynižeńnie mužčynskaj hodnaści»
Žychar Homiela, jaki zavinavaciŭsia 45 tysiač rubloŭ, patrabuje ad Łukašenki, kab jamu dazvolili vyjazdžać za miežy krainy i kiravać aŭtamabilem.
Hamialčuk nazapasiŭ vialikuju sumu doŭhu pa kredytach i štrafach DAI — kala 45 tysiač rubloŭ. Mužčyna abraŭ cikavuju taktyku: jon vyrašyŭ płacić «pa miery siłaŭ» pa adnym rubli na miesiac.
Z takimi tempami raźličycca z doŭham u jaho atrymajecca ŭ hłybokaj staraści, a mahčyma, jon raźličvaje pieradać jaho ŭ spadčynu, adznačajuć va ŭpraŭleńni justycyi Homielskaha abłvykankama.
Historyja z daŭžnikom ciahniecca niekalki hadoŭ, jamu zabaranili vyjazdžać z krainy i kiravać aŭtamabilem. Rehularna da jaho prychodziać sudovyja vykanaŭcy i patrabujuć płacić pa daŭhach.
Mužčyna nidzie nie pracuje, zatoje zasvoiŭ rolu «prafiesijnaha skaržnika». Pavodle jaho słoŭ, vizity sudovych vykanaŭcaŭ źnievažajuć jaho dobraje imia pierad susiedziami i dziećmi, a abmiežavańnie ŭ pravie kiravańnia aŭtamabilem i vyjezdu za miažu i zusim pierajšło ŭsialakija miežy.
Z hetaj prablemaj homielec vyrašyŭ źviarnucca sa skarhaj da Łukašenki. Jon śćviardžaje, što dziejańni dziaržorhanaŭ «źnievažajuć jaho honar i mužčynskuju hodnaść». Ci atrymaŭ mužčyna adkaz na svaju skarhu, nie paviedamlajecca.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?10
Kamientary