Paśla 2 hadoŭ źniavoleńnia vyjšaŭ na volu staršynia AHP Mikałaj Kazłoŭ
Jaho asudzili ŭ listapadzie 2022 hoda da dvuch z pałovaj hadoŭ kałonii.
Vyjšaŭ na volu staršynia Abjadnanaj hramadzianskaj partyi Mikałaj Kazłoŭ, paviedamiŭ u fejsbuku jaho paplečnik Anatol Labiedźka.
Mikałaja Kazłova pieršy raz asudzili ŭ žniŭni 2021 hoda da troch miesiacaŭ aryštu. Jaho pryznali vinavatym pavodle č. 1 art. 407 Kryminalnaha kodeksa za razhałašeńnie źviestak pavodle kryminalnaj spravy suprać Kaardynacyjnaj rady, ale kankretnyja epizody abvinavačvańnia nieviadomyja, bo sud prachodziŭ u zakrytym režymie. Byŭ vyzvaleny 26 sakavika 2022 hoda pa zakančeńni terminu.
27 lipienia 2022 hoda Kazłova znoŭ zatrymali. Pavodle abvinavačańnia, Kazłoŭ, jaho paplečnicy Antanina Kavalova i Aksana Alaksiejeva 23 žniŭnia 2020 hoda «publična vykrykvali łozunhi, hučna apładziravali, znachodzilisia na prajeznaj častcy, čym błakavali i pieraškadžali ruchu transpartu ŭ Minsku, u tym liku haradskoha pasažyrskaha transpartu «Minsktransa»
Vynik — dva z pałovaj hady pazbaŭleńnia voli ŭ kałonii va ŭmovach ahulnaha režymu.
Mikałaj Kazłoŭ vyjšaŭ pa skančeńni terminu, a nie pa pamiłavańni. Jamu zaličyli ŭ adbyty termin tyja try miesiacy aryštu pa inšaj kryminalnaj spravie, jakija jon adbyŭ u pačatku 2022 hoda.
Bajpoł nazvaŭ imiony mahčymych zabojcaŭ Andreja Zielcara. I zajaviŭ, što siłavika «Nirvanu» zastreliŭ svoj ža6
Kamientary