Azaronak raskazaŭ, jak u pačatku vajny prysutničaŭ na zakrytaj naradzie Rady biaśpieki
I patłumačyŭ Ksienii Sabčak, jak Biełaruś ratuje Rasiju i jaje buciki.
«Ja byŭ na zakrytym pasiadžeńni Rady biaśpieki 2 sakavika 2022 hoda (najchutčej majecca na ŭvazie narada 1 sakavika. — NN). Alaksandr Łukašenka tady zaprasiŭ u tym liku palitołahaŭ, žurnalistaŭ, ekśpiertaŭ dla taho, kab my praniklisia prosta hetym ducham. Ja słuchaŭ dakład načalnika Hienieralnaha štaba, ja słuchaŭ raskaz prezidenta», —
pachvaliŭsia prapahandyst Ryhor Azaronak u intervju Ksienii Sabčak.
Sabčak zaŭvažyła, što ŭ Rasii šmat ludziej zachaplajecca Łukašenkam. «Ich asnoŭny tezis zaklučajecca ŭ tym, što «Jaki ŭsio ž taki Alaksandr Ryhoravič chitry va ŭsich adnosinach čałaviek». Što jon umudryŭsia i jak by z Pucinym niejak tak abyjścisia, kab nie ŭstupić u vajnu, i z Zachadam usio ž taki nie pad usie sankcyi śvietu trapić. I nie achviaravać suvierenitetam. I jon jak by na fonie ŭsich kałabok, jaki ad usich pajšoŭ».
Sabčak pacikaviłasia, ci ličyć Azaronak pravilnym rašeńnie Łukašenki nie ŭstupać u vajnu na baku Rasii.
«Kab my ŭstupili ŭ vajnu na baku Rasijskaj Fiederacyi, što było b dalej? Suprać Rasii byŭ by front dźvie tysiačy kiłamietraŭ, a nie tysiača. Naša miaža z Ukrainaj — heta tysiača kiłamietraŭ lasista-bałocistaj miascovaści. A pad parami trochsottysiačnaja polskaja armija. Nu prykładna jany jaje daviaduć da 300 tysiač. I jana ciapier uzbrojenaja, mabilizavanaja. I my viedajem usie hetyja zajavy. Zachad chacieŭ, kab Biełaruś uciahnuli ŭ vajnu.
I na adnoj z sustreč z vajenkarami, pa-mojmu, niechta spytaŭ va Uładzimira Uładzimiraviča: voś Biełaruś, čamu i hetak dalej. Jon zadaŭ adno prostaje pytańnie: «Navošta?» Na froncie niejkaj vyrašalnaj pieravahi my b nie prynieśli.
A voś ahalili b front. I pad Smalensk da vas, da vašych bucikoŭ, da vašych jutub-kanałaŭ, da vašych rekłamaŭ užo rvalisia b polskija intervienty, NATAŭskija intervienty».
«To-bok vy vyratavali Rasiju tym, što nie ŭstupili ŭ vajnu na jaje baku?» — pacikaviłasia Sabčak.
«Biełaruś šmat razoŭ vyratoŭvała Rasiju. I ratuje ciapier», — adkazaŭ Azaronak.
«Heta hienijalna», — zaŭvažyła Sabčak.
Kubrakoŭ davodziŭ, što milicyjant Zhirski nie datyčny da bandy nalotčykaŭ. Ciapier taho sudziać — pahražaje da 20 hadoŭ3
Kamientary