«Zasnuli na Kalinoŭskaha, pračnulisia na Mašerava». U Kobrynie za noč prybrali pakazalniki z proźviščam Kalinoŭski VIDEA
Miascovy saviet deputataŭ vyrašyŭ pierajmienavać vulicu Kalinoŭskaha. U hramadskim abmierkavańni paŭdzielničali ŭsiaho 19 čałaviek.
![](http://d3kcf2pe5t7rrb.cloudfront.net/img/w840d4webp1/photos/z_2024_07/1-ez5gn.jpg.webp)
U Kobrynie vulicu Kalinoŭskaha pierajmienavali ŭ vulicu Mašerava. U svaju čarhu byłaja vulica Mašerava ŭ horadzie ciapier nazyvajecca Jałovaja. Miascovyja žychary raspaviali ŭ tyktoku, što pakazalniki pamianiali za adnu noč.
«Zasnuli na Kalinoŭskaha, pračnulisia na Mašerava», — kaža aŭtar videa.
Rašeńnie ab pierajmienavańni vulicy Saviet deputataŭ pryniaŭ 26 červienia pa prapanovie rajvykankama. Pierad hetym čynoŭniki praviali tak zvanaje hramadskaje abmierkavańnie hetaj idei.
U hetym abmierkavańni ŭ horadzie z nasielnictvam 52 tysiačy ŭziali ŭdzieł 19 čałaviek — mienavita stolki elektronnych zvarotaŭ pastupiła ŭ vykankam.
Ź ich 12 čałaviek padtrymali prapanovu pierajmienavać vulicu Kalinoŭskaha, šeść vystupili suprać. Jašče dva čałavieki padtrymali pierajmienavańnie vulicy Mašerava ŭ Jałovuju.
Kamientary