Mask pieranosić štab-kvateru SpaceX z Kalifornii ŭ Techas — z-za «band narkamanaŭ la ŭvachodu» i sprečnaha zakona
Apošniaj kroplaj, pa słovach pradprymalnika, stała padpisańnie hiendernaha zakona, jaki tyčycca dziaržaŭnych škoł u Kalifornii.
Iłan Mask źbirajecca pieranieści štab-kvateru SpaceX z Kalifornii ŭ Techas. Taksama ŭ hety štat pierajedzie i štab-kvatera X.
U svajoj sacsietcy miljarder nazvaŭ apošniaj kroplaj padpisańnie hubiernataram Kalifornii ad Demakratyčnaj partyi Hevinam Ńjusamam zakona, jaki dazvalaje dziaržaŭnym škołam nie paviedamlać baćkam pra rašeńnie ich dziaciej źmianić hiendarnuju prynaležnaść.
«Heta apošniaja kropla. Z-za hetaha zakona i mnohich inšych, jakija jamu papiaredničali, nakiravanych suprać siemjaŭ i kampanij, SpaceX ciapier pieraniasie svaju štab-kvateru z Chotarna, Kalifornija, u Starjubiejz, Techas.
Kala hoda tamu ja jasna daŭ zrazumieć hubiernataru Ńjusamu, što zakony takoha kštałtu prymusiać siemji i kampanii pakinuć Kaliforniju, kab abaranić svaich dziaciej», — napisaŭ Mask.
Jašče adna pryčyna — «bandy narkamanaŭ la ŭvachodu ŭ ofis».
«Ź mianie dastatkova — sutykacca z bandami ahresiŭnych narkamanaŭ, kab uvajści abo vyjści z ofisa», — adznačyŭ Mask.
Na dumku miljardera, jaho prykładu paśledujuć šmatlikija kampanii i siamji.
Restaŭracyi ŭ Biełarusi zastałosia na try dni. Hałoŭnamu pradpryjemstvu krainy faktyčna padpisali śmiarotny prysud1
Kamientary