BADy i bytavuju piratechniku znoŭ možna budzie pradavać praź internet
Saviet Ministraŭ pryniaŭ rašeńnie źniać zabaronu na prodaž bijałahična aktyŭnych dabavak (BADaŭ), vieterynarnych preparataŭ i piratechničnych vyrabaŭ bytavoha pryznačeńnia praź internet. Jak rastłumačyli ŭ Ministerstvie antymanapolnaha rehulavańnia i handlu (MARH), takoje rašeńnie ŭrad pryniaŭ 10 lipienia 2024 hoda.
![](http://d3kcf2pe5t7rrb.cloudfront.net/img/w732d4webp1/photos/z_2024_07/pexels-muskan-verma-48169249-22574665-s9sck.jpg.webp)
Tekst uradavaj pastanovy №489, jakaja źmianiaje ŭmovy prodažu BADaŭ u Biełarusi, pakul nie vykłali na Nacyjanalnym pravavym internet-partale, adnak u MARH užo raskryli niekatoryja padrabiaznaści novaha zakanadaŭčaha aktu.
Kali ciapier kuplać BADy i vietpreparaty biełarusy mohuć tolki ŭ aptekach, a praź internet — tolki na zamiežnych placoŭkach (dastaŭka poštaj nie zabaronienaja), piratechniku ž i ŭvohule možna nabyć tolki ŭ handlovych centrach, kramach i kijoskach, to ŭ chutkim časie hetyja abmiežavańni admieniać.
U MARH padkreślili, što ŭ zakanadaŭstvie buduć dakładna prapisanyja patrabavańni da ŭładalnikaŭ internet-placovak i punktaŭ vydačy zakazaŭ dla hetych vidaŭ tavaraŭ.
Akramia hetaj źmieny, novaja pastanova ŭrada praduhledžvaje jašče niekalki značnych navacyj. U pryvatnaści, kramam dazvolili viartać pastaŭščykam niepradadzienyja małočnyja i miasnyja pradukty, a taksama chlebabułačnuju pradukcyju z terminam prydatnaści da 30 dzion uklučna.
Hetyja katehoryi tavaraŭ taksama dazvolili pastaŭščyku zamianiać na takija ž tavary, albo kampiensavać ich košt, pry ŭmovie, što reštkavy termin prydatnaści abo zachoŭvańnia składaje nie mienš za 48 hadzin.
Akramia taho, kramam i abjektam hramadskaha charčavańnia dazvolili časova (na termin nie bolš za 7 kalandarnych dzion) ssoŭvać raniej uzhodnieny režym pracy paśla 23:00 i da 7:00, u jaki dazvalajecca pradavać ałkaholnyja, słabaałkaholnyja napoi ci piva.
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?
![](http://d3kcf2pe5t7rrb.cloudfront.net/img/w450h300crop1webp1/photos/stock/latushka-efrrk.jpg.webp)
Kamientary