Kałumbijski fanat, jaki ŭdaryŭ lidara zbornaj Uruhvaja Nuńjesa, vyjaviŭsia śviatarom FOTAFAKT
Paśla parazy zbornaj Uruhvaja ŭ paŭfinale Kubka Amieryki ad Kałumbii (0:1) uruhvajskija hulcy pabilisia na trybunach z fanatami Kałumbii.
A zaŭziatar, ź jakim biŭsia forvard Uruhvaja Darvin Nuńjes, akazaŭsia śviatarom, piša Nacional.
Nuńjes paśla finalnaha śvistka pasvaryŭsia z kałumbijskimi fanatami, razzłavaŭšysia na abrazy i nieprystojnyja žesty ŭ svoj adras, špurnuŭ u ich kresła, a potym padniaŭsia trybunu, dzie ŭviazaŭsia ŭ bojku.
Kałumbija druhi raz u svajoj historyi (pieršy raz u 2001-m) prabiłasia ŭ finał Kubka Amieryki (anałah Jeŭra). U finale, što projdzie ŭ noč na paniadziełak (pačatak a 03:00 raniy) jany zhulajuć suprać Arhienciny. Viadzie kamandu ŭ boj eks-zorka «Reała» i adzin z najlepšych hulcoŭ čempijanatu śvietu 2014 hoda Chamies Radryhies.
Arhiencina i Uruhvaj pa 15 razoŭ vyjhravali Kubak Amieryki, jaki razyhryvajecca z 1916 hoda.
Kamientary
da, Indiejec?