Rasijskija vojski sprabujuć prarvacca ŭ Tareck, u vakolicach horada iduć bai
Śpikier apieratyŭna-stratehičnaj hrupy vojskaŭ «Chorcica» Nazar Vałošyn u efiry telemarafona zajaviŭ, što rasijskija vojski praciahvajuć sproby zachapić horad Tareck u Danieckaj vobłaści. Na ŭskrainach horada iduć bai, piša Bi-bi-si.
Sproby zachopu rasijanami Tarecka praciahvajucca ŭžo amal dva tydni.
«Vorah zanadta aktyŭna prymianiaje pa hetym nasielenym punkcie avijacyju, prymianiajucca kiravanyja avijacyjnyja bomby, a taksama niekiravalnyja avijarakiety. Za minułyja sutki pa tym kirunku, u tym liku i ŭ rajon Tarecka, vorah ździejśniŭ bolš za 200 abstrełaŭ pa roznych vidach uzbrajeńnia», — raspavioŭ Vałošyn.
U čaćvier ranicaj Hienštab USU paviedamiŭ, što na Tareckim kirunku rasiejskija vojski ździejśnili 24 ataki niedaloka ad nasielenych punktaŭ Paŭnočny, Ńju-Jork, Tareck i Dzialijeŭka.
Kamientary