FSB zajaviła ab pieraduchileńni teraktu na avijanosnym krejsiery «Admirał Kuźniacoŭ» u Murmansku
FSB zrabiła zajavu, što «spyniła sprobu ŭkrainskich śpiecsłužbaŭ zładzić terakt na avijanosnym krejsiery «Admirał Kuźniacoŭ» u Murmansku. Adzin rasijanin zatrymany.
Pavodle TASS, u sakaviku z rasijskim vajskoŭcam na krejsiery źviazaŭsia supracoŭnik ukrainskaj vyviedki, jaki prapanoŭvaŭ zładzić terakt na karabli naŭzamien na bujnuju ŭznaharodu. Aficer źviarnuŭsia ŭ rasijskija orhany biaśpieki, dalej śpiecsłužby viali apieratyŭnuju hulniu.
Dla teraktu rasijskamu vajskoŭcu adpravili kampanienty dla zborki zapalnaj pryłady transpartnaj kampanijaj, pry hetym nibyta kazali, što ŭsiu apieracyju kuryruje asabista kiraŭnik HUR Budanaŭ.
Ukrainskim śpiecsłužbam pieradali zapis ź insceniroŭkaj teraktu na krejsiery.
Zatrymany hramadzianin Rasii 1994 hoda naradžeńnia, jaki praz kurjeraŭ arhanizavaŭ dastaŭku troch vybuchovych pryład.
Kamientary