«Telefony prasłuchoŭvajucca surjoznymi chłopcami». Orban rychtavaŭsia da sustrečy z Pucinym tajemna — jak špijon
Viktar Orban raskazaŭ, što jahony vizit u rasijskuju stalicu rychtavaŭsia ŭ tajamnicy. Sa słoŭ vienhierskaha premjera, kamunikacyju z nahody pajezdki ź ministram zamiežnych spraŭ jon vioŭ u abstanoŭcy sakretnaści, piša BBC sa spasyłkaj na šviejcarskaje vydańnie Weltwohe.
«Ja adpraviŭ tajemnaje paviedamleńnie ministru zamiežnych spraŭ, što jon pavinien niešta arhanizavać. Tamu što telekamunikacyi znachodziacca pad poŭnym prasłuchoŭvańniem inšych «surjoznych chłopcaŭ». I ja sprabavaŭ maksimalna trymać heta ŭ tajamnicy», — zajaviŭ Orban.
Infarmacyja pra vizit u Rasiju pratačyłasia tolki ŭ toj momant, kali Vienhryja paprasiła Polšču dać dazvoł na pralot svajho vajskovaha samalota praź jaje terytoryju.
Orban skazaŭ, što jahonyja pieramovy z Pucinym praciahvalisia kala troch hadzin, i padčas sustrečy jon zadaŭ surazmoŭcu try pytańni: jak jon stavicca da najaŭnych prapanoŭ pa zakančeńni vajny va Ukrainie, ci hatovy jon da časovaha spynieńnia ahniu i jak jon ujaŭlaje sabie architekturu biaśpieki ŭ Jeŭropie paśla zakančeńnia kanfliktu.
Pucin adkazaŭ, što «sapraŭdnyja pieramovy nie mohuć pačacca biez udziełu abodvuch bakoŭ».
«Heta značyć usio, što my robim bieź jaho, ničoha nie značyć. Što całkam łahična», — zajaviŭ pry hetym Orban.
Pucin taksama skazaŭ Orbanu, što nie adčuvaje aptymizmu z nahody mahčymaści časovaha pieramirja, i maje płan u dačynieńni da stanovišča ŭ Jeŭropie paśla vajny.
Vienhryja ciapier staršyniuje ŭ ES. Pradstaŭniki Jeŭrapiejskaha sajuza asudzili vizit Orbana ŭ Maskvu i zajavili, što ŭ jaho niama paŭnamoctvaŭ vieści pieramovy z Pucinym ad imia Jeŭrasajuza.
Viktar Orban anansavaŭ «novy siurpryz» na paniadziełak
Orban prybyŭ u Kijeŭ i paabiacaŭ «pieršyja kroki da miru» ŭžo padčas vizitu
Zialenski patłumačyŭ, čamu nie pahadziŭsia na prapanovu Orbana ab spynieńni ahniu
Orban i Pucin pravodziać sustreču ŭ Maskvie
Orban paśla Maskvy prylacieŭ u Azierbajdžan
Premjer Słavakii pachvaliŭ Orbana za vizit u Kijeŭ i Maskvu
Kamientary
Vied́ priedsiedatiel ES, na bližajšije 6 miesiaciev, prijechał razhovarivať s putinym v Moskvu i nikakije othovorki druhich členov ES, o častnom charaktierie pojezdki priedsiedatiela ES v Moskvu nie prochodiat.
Pochožie, čto Kijev kinuł svoich sojuźnikov, orhanizovav čiełnočnuju dipłomatiju Orbana, t.k., po rieakcii Zapada, vychodit, čto vsio orhanizovano Kijevom i Moskvoj čieriez čiornyj chod.
Dobavlajem źviezdienije putina, na sborkie jeho druziej v ŠOS, kotoryje pomohajut jemu obchodiť sankcii, stabilizirujut ekonomiku Rośsii, vosstanavlivajut VPK Rośsii i połučajem połnuju lehalizaciju mieždunarodnoho uhołovnika iz Moskvy....