Na miažy z Polščaj całkam źnikła čarha ź lehkavikoŭ. Što adbyvajecca?
Upieršyniu za doŭhi čas na vyjezd ź Biełarusi ŭ Polšču niama čarhi ź lehkavikoŭ. Zdajecca, takoha nie było z časoŭ pandemii.
Ilustracyjny zdymak. Fota: t.me/terespol
Vielizarnyja čerhi na adzinym dziejnym pasažyrskim punkcie propusku «Brest» na miažy z Polščaj apošnija časy mieli piermanientny charaktar. U pikavyja dni na vyjezd ź Biełarusi mahło stajać pa 400—500 lehkavikoŭ.
Ale pačynajučy z 4 hadzin nočy 5 lipienia čarhi niama zusim, choć sutkami raniej było bolš za 200 mašyn. Čarha pačała imkliva skaračacca z druhoj pałovy dnia 4 lipienia.
Fota: skrynšot z sajta gpk.gov.by
Cikavaść da pajezdak u Polšču stała spadać paśla taho, jak źjavilisia źviestki, što Polšča pierastała afarmlać VAT i vypuskać u Biełaruś z šeraham tavaraŭ.
Adbyłosia heta ŭ suviazi z pryniaćciem novaha pakieta sankcyj u dačynieńni da Biełarusi.
Kamientary
Prykryli kiŭbasnaje vakienca - i zadyšałasia svabadniej pad spadnicaj i ŭ dyktatara?
Tolki voś čerhi ŭtvoranyja, ŭvaha ... pamiežnamytnikami pra što možna pierakanacca na luboj šašy, dzie niama pamiežnamytnych pieratrusačnych budaŭ. Naprykład: Miensk-Homla ci Varšava-Poznań