My nie prosta źmianili vizualnaje abličča sajta, ale i dadali novyja funkcyi, jakija zrobiać čytańnie sajta Nashaniva.com bolš zručnym.
Apošni raz «Naša Niva» abnaŭlała dyzajn u 2016-m hodzie. U toj čas bolš za pałovu našych čytačoŭ zachodzili na sajt sa svaich kampjutaraŭ. Mienavita tamu pry raspracoŭcy taho dyzajnu tady pieršasnaj była desktopnaja viersija dla vialikich ekranaŭ.
Siońnia 85% karystalnikaŭ čytajuć nas sa smartfonaŭ. Naš novy dyzajn raspracoŭvaŭsia z razumieńniem hetaha.
Ciapier pieršaje, što vy ŭbačycie, kali adkryjecie sajt Nashaniva.com z mabilnaha telefona, — heta stužka apošnich navin. Jana raźmieščanaja haryzantalna, a heta značyć, što vam dastatkova adkryć hałoŭnuju staronku, kab chutka zrazumieć, što adbyłosia za apošnija hadziny. Hartajcie naprava, kab pabačyć novyja zahałoŭki.
Pad stužkaj navin — samy važny materyjał na hety momant. Heta toje, čamu my addajom pryjarytet i raim vam pračytać u pieršuju čarhu. Adrazu pad im idzie stužka hałoŭnych navin dnia.
Dalej błoki materyjałaŭ «Redakcyja rekamienduje», «Samaje čytanaje», «Samaje kamientavanaje», «Samaje łajkanaje» i «Najbolš reakcyj», jakija ŭpadabała vialikaja kolkaść čytačoŭ, čarhujucca z navinami raździełaŭ «Historyja», «Navuka i technałohii», «Zdaroŭje», «Ježa», «Kino» i inšymi. My dadali haryzantalnyja hartałki ŭva ŭsie rubryki, tamu vy možacie lohka adšukać toje, što adpaviadaje vašym cikaŭnaściam.
My abnavili styl błoka pad hałoŭnym artykułam, zrabili jaho bolš zaŭvažnym. Tut redaktary źmiaščajuć inšyja važnyja teksty pa temie, jakaja vas zacikaviła. Źviartajcie ŭvahu na hetyja zahałoŭki — časta tam pieradhistoryja padziej albo źviazanyja sensava artykuły.
My abnavili styl łajkaŭ, i ciapier našy reakcyi identyčnyja emodžy ŭ papularnych miesiendžarach.
Dačytaŭšy da kanca tekst, vam nie treba hartać uvierch staronki, kab viarnucca na hałoŭnuju. Hartajcie ŭniz — adrazu pad tekstam iduć apošnija hałoŭnyja naviny. Kali vy dahartajecie da samaha nizu, staronka aŭtamatyčna abnovicca i vy viernieciesia na startavuju.
Spadziajomsia, vy chutka pryzvyčaiciesia da novaj viersii sajta i ŭpadabajecie novyja mahčymaści. My budziem radyja vašym vodhukam, tamu dzialiciesia emocyjami ŭ kamientarach.
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj2121
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj21
«Staršynia prosta biłasia hałavoj ab stoł. Paśla nam razdali kanvierty z hrašyma». Nastaŭnica była ŭ vybarčaj kamisii ŭ 2020-m — i voś što pabačyła1616
Kamientary
Ad Red. Dziakuj, što zaŭvažyli. Pieradadzim prahramieram.