Hramadstva1616

«Staršynia prosta biłasia hałavoj ab stoł. Paśla nam razdali kanvierty z hrašyma». Nastaŭnica była ŭ vybarčaj kamisii ŭ 2020-m — i voś što pabačyła

Byłaja nastaŭnica bijałohii siaredniaj škoły № 51 Minska Aksana Dzikavickaja na prezidenckich vybarach 2020 hoda ŭvachodziła ŭ skład vybarčaj kamisii. Jana raskazała jutub-kanału «ČastnOK-LIVE» pra toje, jak falsifikavalisia vybary.

Jak ličyli hałasy i padpisvali pratakoły

Aksana zhadvaje, jak u 2020-m padličvali hałasy. Pa tych biuleteniach, što prajšli praź jaje, suadnosiny hałasoŭ za Cichanoŭskuju i za Łukašenku byli 80 da 20.

«Ja heta zapisvaju. Potym my addajom heta čałavieku, jaki pieraličvaje našy papierki. (…) Nam vydajuć zusim inšy vynik», — zhadvaje žančyna.

Aksana nie bačyła, jak składalisia pratakoły. Jaje chvalavała toje, što jana nie mahła dazvanicca da syna. A kali dazvaniłasia, to pačuła, akramia hołasu syna, vystrały.

«Ja nie bačyła, što tam rabili, jak zapisvali pratakoły. U mianie była meta chutčej pajści. Mnie treba było zabrać syna z centra. Maje syny jašče zakančvajuć škołu. U mianie była panika.

U hety čas nam prynosiać pratakoły. I ŭ nas šok. (…) Pieršapačatkova padpisała tolki dva ci try čałavieka. (…) I staršynia kamisii padymaje ludziej i kaža «pieraličvajcie».

Pa słovach žančyny, dla pieraliku byŭ prapanavany tolki adzin stos ź biuleteniami dla hałasavańnia. Usiaho takich stosaŭ było šmat.

«Jany ŭsie pieraviazvajucca, płambirujucca. Tam surjoznaja idzie rabota. Usio zaviazvajecca. Nichto adtul ničoha nie moža dastać. Heta ŭsio zvozicca va ŭpraŭleńnie adukacyi.

I hety adzin stos razrazajecca, vykidvajecca na stoł. Dzie sapraŭdy było za Łukašenku. Jany prosta ŭziali toje, dzie hałasavali za Łukašenku», — tłumačyć Aksana.

Adnak členy kamisii admovilisia padpisvać i paśla hetaha. Jak zhadvaje žančyna, u staršyni kamisii pačałasia panika.

«U staršyni kamisii, našaha dyrektara [škoły] dzicia-invalid. Jana siadzieła, kali my nie padpisvali dakumienty, i prosta biłasia hałavoj ab stoł. Jana nie viedała što rabić. Joj zvoniać. Ja čuju, što jana kaža, što ŭ jaje nie padpisana, što jana jašče nie moža vieźci ŭ adździeł adukacyi pratakoły».

Ale ŭ vyniku, paśla niekalkich hadzin čakańnia, pratakoły byli padpisany.

Sama Aksana pastaviła svoj podpis paśla taho, jak daviedałasia, što ŭžo abvieščany vyniki hałasavańnia: «Užo ŭsio roŭna. Mnie prosta pazvanili. Z telebačańnia adzin charošy tavaryš skazaŭ: «Aksana, zrazumiej adnu reč. Ja taksama tut. Ja taksama siabie nienavidžu. My taksama ciapier heta abviaščajem pa televizary. Nu ŭžo ŭsio abvieščana. Ad taho, padpisali vy ci nie, ničoha nie mianiajecca».

Aksana Dzikavickaja Dikovitskaja Oksana Oksana Dikavitskaya
Aksana Dzikavickaja. Skryn videa: chestnok_live / YouTube

Što było paśla vybaraŭ

Paśla vybaraŭ členy kamisii patrapili dachaty dzieści apoŭnačy.

«Nas vyvozili pad AMAPam. (…) U adzin momant nas usich vyhružajuć [sa škoły] u aŭtobus. Ludzi skandzirujuć. Aŭtobus prosta chistajecca. Ja staju, u mianie ciakuć ślozy. Staić niejki mient i kaža: «Čaho ty ravieš?» Ja kažu: «Soramna. Vy razumiejecie, što adbyvajecca? Heta ž tak soramna». Jon pačynaje śmiajacca».

Aksana śćviardžaje, što členy vybarčaj kamisii atrymali «vialikuju sumu hrošaj»:

«U adzin momant nas paklikali i razdali kanvierty. Tam apynułasia takaja suma… Ja była ŭ šoku», — zhadvaje žančyna i dadaje, što atrymanaja suma była ekvivalentnaja prykładna 200 dalaram. Paźniej hetyja hrošy jana pieraličyła ŭ niekalki fondaŭ.

Žančyna śćviardžaje, što jaje kalehi, jakija byli členami vybarčaj kamisii, spakojna adnieślisia da taho, što ŭdzielničali ŭ falsifikacyi.

«Žyćcio praciahvajecca. Usie pracujuć. Usio dobra. Ja ŭ niekatorych pytałasia, jak tak možna. Adkaz: «Što tut takoha. U lubym vypadku ničoha nie pamianiajecca. U lubym vypadku heta pavinna było być. A ty što, čakała inšaha vyniku?». A niechta prosta maŭčaŭ».

Paśla vybaraŭ Aksana praciahvała pracavać u škole. Pa vychodnych jana chadziła na maršy. U škole ŭsie pra heta viedali. Jana raźmiaščała zdymki ŭ svaich sacyjalnych sietkach. Adnojčy jaje vyklikała dyrektarka.

«Kaža mnie pierad kabinietam: «Pakińcie telefon pad kabinietam. Ja viedaju, što vy mianie zapisvajecie». (…) Joj zdavałasia, što jaje ŭsie pišuć. (…) Ja pakinuła telefon kala kabinieta. Jana mnie skazała: «Aksana Mikałajeŭna, na vas niejkaja sprava ŭ kamitecie (ci «tam pra vas cikaviacca»). Ja vam dapamahu. Pryjdzie čas, moža, vy mnie dapamožacie».

Pa słovach žančyny, jana nie zrazumieła, pra jakuju dapamohu idzie havorka. Sama razmova adbyłasia paśla taho, jak jana ź inšymi kalehami zapisała zvarot nastaŭnikaŭ.

Praź niekatory čas Aksana źjechała ź Biełarusi ŭ Bałharyju, a paśla pačatku poŭnamaštabnaj vajny va Ukrainie pierajechała ŭ Polšču. Niekatory čas u Varšavie jana pracavała ŭ taksi, a zatym znajšła pracu pa dohladzie dziaciej (bebisitara) u nievialikim polskim horadzie.

Kamientary16

  • Ad taho, padpisali vy ci nie, ničoha nie mianiajecca
    28.01.2025
    O da. Kali b choć chtości adkazaŭsia, tak by byŭ precydent. A tak kanfarmizm. Było b bolej suprać, moža było b inakš.
  • Archivažno
    28.01.2025
    Nu čto, vsie učitiela škoł zamarany. Vsie diriektora škoł. Vsie RONO. Vsie Horono. Po idieje vsiech poto śledujet privlekať. Vsiech uvolniať, načinaja s diriektorov škoł. Vsiech lišať požiźnienno iźbiratielnych prav i prav na zaniatije luboj hosdołžnosti. Koročie, diktatura buržuazii na pieriechodnyj pieriod let na 5 archinieobchodima. Po naślednikam kommunistov bolšievistskimi mietodami.
  • Ja trochi pamiataju savieckija jašče vybary
    28.01.2025
    Tam usie biluteni dakładna padličvali i davali papierki staršyni.
    A staršynia pisaŭ toje, što było zahadana z rajkama i nikoha toje nie ździŭlała.
    A papierki mabyć šli niekudy pa inšaj linii, jak i sapsavanyja biluteni. Na tych biluteniach čaściakom ananimki pisali.

Stała viadoma, za što buduć sudzić pieršaha namieśnika načalnika Kiraŭnictva spravami Łukašenki2

Stała viadoma, za što buduć sudzić pieršaha namieśnika načalnika Kiraŭnictva spravami Łukašenki

Usie naviny →
Usie naviny

Vyrablenaja vintoŭka imia Maryi Zajcavaj2

U Fiładelfii raźbiŭsia samalot sanitarnaj avijacyi. Zahinuli šeść čałaviek2

Tramp zajaviŭ, što jany z Pucinym mohuć zrabić niešta «značnaje» dla spynieńnia vajny Rasii va Ukrainie16

Były kamandzir Pałka Kalinoŭskaha Dzianis «Kit» Procharaŭ raskazvaje, čym ciapier zajmajecca50

Navukoviec z Homiela vykryŭ maštabnuju falsifikacyju vynikaŭ pierapisu ŭ Biełarusi. Ale jość niuans24

Biełarus paŭhoda «inviestavaŭ» hrošy machlaram i straciŭ 120 tysiač rubloŭ1

Miedyki kančatkova vyznačyli, ci škodna jeści bulbu7

«Kroŭ vajny». Čym važnyja ataki Ukrainy na rasijskija NPZ i ci jość ad hetaha efiekt1

Niamiecki Bundestah adchiliŭ zakonaprajekt ab pastrožańni mihracyjnaha zakanadaŭstva8

bolš čytanych navin
bolš łajkanych navin

Stała viadoma, za što buduć sudzić pieršaha namieśnika načalnika Kiraŭnictva spravami Łukašenki2

Stała viadoma, za što buduć sudzić pieršaha namieśnika načalnika Kiraŭnictva spravami Łukašenki

Hałoŭnaje
Usie naviny →

Zaŭvaha:

 

 

 

 

Zakryć Paviedamić