Historyju siamji Kadyravych raskazali aŭtary dakumientalnaha filma «Viertykal Kadyrava. Poŭnaja kryvi bijahrafija». Pryvodzim niekatoryja z važnych detalaŭ.
Baćka pryjšoŭ da ŭłady pry pasiarednictvie mafii
Baćka Ramzana Kadyrava Achmat u 1990-ja hady byŭ hałoŭnym mufcijem respubliki. Na jaho źviarnuli ŭvahu śpiecsłužby Rasii jašče ŭ 1999 hodzie, kali šukali kandydaturu na pasadu budučaha kiraŭnika Čačni.
Aŭtary filma śćviardžajuć, što pieršaja sustreča namieśnika dyrektara FSB Rasii Hiermana Uhrumava i Achmata Kadyrava adbyłasia ŭ Machačkale ŭ kvatery lidara adnoj z čačenskich złačynnych hrupovach Maŭładzi Atłanhieryjeva pa mianušcy «Łazan». Kadyraŭ-starejšy taksama spyniŭsia na kvatery čačenskaha mafijozi ŭ Maskvie, kali pryjechaŭ na pieršuju sustreču z Pucinym, jaki ŭ toj čas zajmaŭ pasadu premjer-ministra.
U červieni 2000 hoda Achmat Kadyraŭ byŭ pryznačany kiraŭnikom administracyi Čačni. A ŭ 2003 atrymaŭ pieramohu na prezidenckich vybarach u respublicy.
Aŭtary filma źviartajuć uvahu, što bolšaści ludziej, jakija prymali ŭdzieł u pieramovach z FSB, ciapier niama ŭ žyvych. Sam «Łazan» Atłanhieryjeŭ chutčej za ŭsio byŭ zabity ŭ 2008 hodzie ludźmi Kadyrava-małodšaha. Akramia hetaha byli zabity braty Rusłan i Sulim Jamadajevy, jakija šukali kantaktaŭ z Kramlom, kab pierachapić uładu ŭ Čačni.
3000 dalaraŭ za hałavu bajevika
U čas praŭleńnia baćki jaho małodšy syn Ramzan zajmaŭ pasadu kamandzira asabistaj achovy. Ale asnoŭnaj metaj uzbrojenaha atrada, jaki znachodziŭsia pad jaho kamandavańniem, była baraćba ź sieparatystami.
«Ramzan pryznačyŭ uznaharodu ŭ 3-5 tysiač dalaraŭ dla tych, chto pryniasie jamu dźvie rečy — adsiečanuju hałavu bajevika i jaho pašpart. Inšych dokazaŭ nie patrabavałasia. Ludzi pačali prosta zabivać svaich vorahaŭ, rezać im hałovy i vydavać za bajevikoŭ», — cytujuć žurnalisty słovy adnaho z byłych znajomych Ramzana, jaki ciapier žyvie za miažoju.
Akramia hetaha praz Ramzana Kadyrava vyrašalisia ŭsie finansavyja pytańni. Jak śćviardžajuć vidavočcy, kali niechta chacieŭ atrymać pasadu ŭ administracyi ci dziaržaŭny kantrakt, to išoŭ da małodšaha Kadyrava.
Skarmiŭ niaŭhodnaha lvu
9 maja 2004 hoda ŭ čas paradu zahinuŭ Achmat Kadyraŭ, jaki na toj čas patrapiŭ u niałasku Maskvy. Ramzan, jaki pavinien byŭ adkazvać za achovu baćki, u hety čas byŭ u Maskvie.
U toj ža dzień Kadyrava-małodšaha pryniaŭ Uładzimir Pucin. Mienavita pad čas hetaj sustrečy Pucin daŭ zrazumieć Ramzanu, što toj budzie budučym kiraŭnikom Čačni.
Žurnalisty źviartajuć uvahu, što starejšy syn Achmata Kadyrava Zielimchan pamior praz try tydni paśla hibieli baćki. Aficyjnaja viersija — sardečnaja niedastatkovaść.
Śviedki zhadvajuć, što paśla śmierci baćki Zielimchan, jaki złoŭžyvaŭ narkotykami, niekalki dzion siabie nie kantralavaŭ, a adnojčy ŭvarvaŭsia sa zbrojaj u dom brata.
Pa słovach aŭtaraŭ filma, u dzień hibieli Achmata Kadyrava za jaho achovu adkazvaŭ bližejšy padnačaleny Ramzana Mahamiet Israpiłaŭ. Farmalna za toje, što zdaryłasia, mužčyna nie panios nijakaha pakarańnia.
Ad klučavoha śviedki i jaho brata Ramzan Kadyraŭ pazbaviŭsia paźniej. I heta adbyłosia samym žorstkim siarednieviakovym sposabam. Čačenskija błohiery pisali, što na Mahamieta byŭ nackavany leŭ z asabistaha zaaparka Kadyrava.
Brata mužčyny pazbavili žyćcia inšym žorstkim sposabam. Spačatku jamu adsiekli hałavu, a cieła pasadzili na kruk dla raźbirańnia tuš i padviesili na niejki čas pierad uvachodam na stadyjon u radavym siale Kadyravych.
Atručvańni i avaryi
Jak adznačajuć aŭtary filma, prychod da ŭłady Kadyravych supravadžaŭsia čaradoju trahičnych padziej, jakija adbylisia ź jaho apanientami. U vieraśni 2003 hoda ciažkaje atručeńnie pieražyŭ kiraŭnik uradu Čačni Anatol Papoŭ. Heta pasłužyła nahodaj adpravić premjera ŭ adstaŭku.
Niadoŭha pabyŭ na pasadzie i inšy premjer i pryznačeniec Maskvy — Siarhiej Abramaŭ. U listapadzie 2005 hoda mužčyna trapiŭ u ciažkuju aŭtamabilnuju avaryju ŭ Maskvie. Paśla hetaha pasadu premjer-ministra Čačni zaniaŭ Ramzan Kadyraŭ.
U tym ža hodzie pry pažary zahinuŭ sakratar Savieta biaśpieki Čačni Rudnik Dudajeŭ. Jaho miesca zaniaŭ pamočnik Ramzana.
Da prychodu Ramzana ŭ 2007 hodzie na pasadu prezidenta ŭsie jaho kankurenty za ŭładu ci zahinuć, ci syduć u cień u vyniku zapužvańniaŭ i nasilla.
Hibiel achoŭnikaŭ Adama Kadyrava
Prychod da ŭłady Ramzana Kadyrava nie spyniŭ złačynnych mietadaŭ raspravy ź ludźmi. Aŭtary pryvodziać adzin z apošnich faktaŭ. U 2022 hodzie ŭ Čačni pry dziŭnych abstavinach pajšli z žyćcia dva nabližanyja da syna Ramzana Kadyrava Adama mužčyny.
Pieršy — Abdułkierym Edziłaŭ, 31-hadovy prafiesijny bajec MMA, jaki treniravaŭ synoŭ Kadyrava, za što atrymaŭ pasadu vice-premjera Čačni. U listapadzie Abdułkierym niečakana padaŭ u adstaŭku, a praź niekatory čas pamior.
Druhi tajamniča pamierły — ciełaachoŭnik Adama Kadyrava Murat Ahmierzojeŭ.
Aŭtary adznačajuć, što takoje žorstkaje pakarańnie mužčyny panieśli za toje, što dapuścili raspaŭsiudžańnie pahałosak, jakija padryvajuć reputacyju siamji Kadyravych.
Chvory Kadyraŭ tajemna ažaniŭ svaich niepaŭnaletnich synoŭ
Čatyry žonki Ramzana Kadyrava, jakija naradzili jamu 14 dziaciej: chto jany
Rasijskija prapahandysty ŭsio starajucca ažyvić Kadyrava. Hetym razam ź jaho zrabili niezvyčajnaha asiłka
Kadyraŭ pryznačyŭ svajho 16-hadovaha syna kurataram pryvatnaha ŭniviersiteta śpiecnaza imia Pucina
Što viadoma pra biełarusa Viktara Paviełku, jakoha ŭ Polščy padazrajuć u arhanizacyi napadaŭ na rasijskich apazicyjanieraŭ1
Kamientary
Iz miemuarov oficiera Tuziemnoj divizii die Vittie:
"Udielnyj vies čiečienca kak voina nievielik; po naturie on - razbojnik-abriek, i pritom nie iz śmiełych: žiertvu siebie on vsiehda namiečajet słabuju i v słučaje pobiedy nad niej stanovitsia žiestok do sadizma.
V boju jedinstviennym dvihatielem jeho javlajetsia žažda hrabieža, a takžie čuvstvo životnoho stracha pieried oficierom.
Prosłuživ sriedi čiečienciev i pobyvav u nich v domašniej obstanovkie v aułach, ja dumaju, čto nie ošibuś, utvierždaja, čto vsie krasivyje i błahorodnyje obyčai Kavkaza i adaty stariny sozdany nie imi i nie dla nich, a, očievidno, boleje kulturnymi i odarionnymi plemienami.
V to žie vriemia spraviedlivosť zastavlajet skazať, čto čiečieniec niezamienim i priekrasien, jeśli, ochvačiennyj poryvom, on brošien v prieśledovanije rasstrojennoho vraha. V etom słučaje - horie pobieždionnym: čiečieniec leziet naprołom. Upornoho žie i dlitielnoho boja, osobienno v piešiem stroju, oni nie vydierživajut i lehko, kak i vsiakij dikij čiełoviek, pri malejšiej nieudačie podvierhajutsia panikie".