Гісторыю сям'і Кадыравых расказалі аўтары дакументальнага фільма «Вертыкаль Кадырава. Поўная крыві біяграфія». Прыводзім некаторыя з важных дэталяў.
Бацька прыйшоў да ўлады пры пасярэдніцтве мафіі
Бацька Рамзана Кадырава Ахмат у 1990-я гады быў галоўным муфціем рэспублікі. На яго звярнулі ўвагу спецслужбы Расіі яшчэ ў 1999 годзе, калі шукалі кандыдатуру на пасаду будучага кіраўніка Чачні.
Аўтары фільма сцвярджаюць, што першая сустрэча намесніка дырэктара ФСБ Расіі Германа Угрумава і Ахмата Кадырава адбылася ў Махачкале ў кватэры лідара адной з чачэнскіх злачынных груповах Маўладзі Атлангерыева па мянушцы «Лазан». Кадыраў-старэйшы таксама спыніўся на кватэры чачэнскага мафіёзі ў Маскве, калі прыехаў на першую сустрэчу з Пуціным, які ў той час займаў пасаду прэм'ер-міністра.
У чэрвені 2000 года Ахмат Кадыраў быў прызначаны кіраўніком адміністрацыі Чачні. А ў 2003 атрымаў перамогу на прэзідэнцкіх выбарах у рэспубліцы.
Аўтары фільма звяртаюць увагу, што большасці людзей, якія прымалі ўдзел у перамовах з ФСБ, цяпер няма ў жывых. Сам «Лазан» Атлангерыеў хутчэй за ўсё быў забіты ў 2008 годзе людзьмі Кадырава-малодшага. Акрамя гэтага былі забіты браты Руслан і Сулім Ямадаевы, якія шукалі кантактаў з Крамлём, каб перахапіць уладу ў Чачні.
3000 даляраў за галаву баевіка
У час праўлення бацькі яго малодшы сын Рамзан займаў пасаду камандзіра асабістай аховы. Але асноўнай мэтай узброенага атрада, які знаходзіўся пад яго камандаваннем, была барацьба з сепаратыстамі.
«Рамзан прызначыў узнагароду ў 3-5 тысяч даляраў для тых, хто прынясе яму дзве рэчы — адсечаную галаву баевіка і яго пашпарт. Іншых доказаў не патрабавалася. Людзі пачалі проста забіваць сваіх ворагаў, рэзаць ім галовы і выдаваць за баевікоў», — цытуюць журналісты словы аднаго з былых знаёмых Рамзана, які цяпер жыве за мяжою.
Акрамя гэтага праз Рамзана Кадырава вырашаліся ўсе фінансавыя пытанні. Як сцвярджаюць відавочцы, калі нехта хацеў атрымаць пасаду ў адміністрацыі ці дзяржаўны кантракт, то ішоў да малодшага Кадырава.
Скарміў няўгоднага льву
9 мая 2004 года ў час параду загінуў Ахмат Кадыраў, які на той час патрапіў у няласку Масквы. Рамзан, які павінен быў адказваць за ахову бацькі, у гэты час быў у Маскве.
У той жа дзень Кадырава-малодшага прыняў Уладзімір Пуцін. Менавіта пад час гэтай сустрэчы Пуцін даў зразумець Рамзану, што той будзе будучым кіраўніком Чачні.
Журналісты звяртаюць увагу, што старэйшы сын Ахмата Кадырава Зелімхан памёр праз тры тыдні пасля гібелі бацькі. Афіцыйная версія — сардэчная недастатковасць.
Сведкі згадваюць, што пасля смерці бацькі Зелімхан, які злоўжываў наркотыкамі, некалькі дзён сябе не кантраляваў, а аднойчы ўварваўся са зброяй у дом брата.
Па словах аўтараў фільма, у дзень гібелі Ахмата Кадырава за яго ахову адказваў бліжэйшы падначалены Рамзана Магамет Ісрапілаў. Фармальна за тое, што здарылася, мужчына не панёс ніякага пакарання.
Ад ключавога сведкі і яго брата Рамзан Кадыраў пазбавіўся пазней. І гэта адбылося самым жорсткім сярэдневяковым спосабам. Чачэнскія блогеры пісалі, што на Магамета быў нацкаваны леў з асабістага заапарка Кадырава.
Брата мужчыны пазбавілі жыцця іншым жорсткім спосабам. Спачатку яму адсеклі галаву, а цела пасадзілі на крук для разбірання туш і падвесілі на нейкі час перад уваходам на стадыён у радавым сяле Кадыравых.
Атручванні і аварыі
Як адзначаюць аўтары фільма, прыход да ўлады Кадыравых суправаджаўся чарадою трагічных падзей, якія адбыліся з яго апанентамі. У верасні 2003 года цяжкае атручэнне перажыў кіраўнік ураду Чачні Анатоль Папоў. Гэта паслужыла нагодай адправіць прэм'ера ў адстаўку.
Нядоўга пабыў на пасадзе і іншы прэм'ер і прызначэнец Масквы — Сяргей Абрамаў. У лістападзе 2005 года мужчына трапіў у цяжкую аўтамабільную аварыю ў Маскве. Пасля гэтага пасаду прэм'ер-міністра Чачні заняў Рамзан Кадыраў.
У тым жа годзе пры пажары загінуў сакратар Савета бяспекі Чачні Руднік Дудаеў. Яго месца заняў памочнік Рамзана.
Да прыходу Рамзана ў 2007 годзе на пасаду прэзідэнта ўсе яго канкурэнты за ўладу ці загінуць, ці сыдуць у цень у выніку запужванняў і насілля.
Гібель ахоўнікаў Адама Кадырава
Прыход да ўлады Рамзана Кадырава не спыніў злачынных метадаў расправы з людзьмі. Аўтары прыводзяць адзін з апошніх фактаў. У 2022 годзе ў Чачні пры дзіўных абставінах пайшлі з жыцця два набліжаныя да сына Рамзана Кадырава Адама мужчыны.
Першы — Абдулкерым Эдзілаў, 31-гадовы прафесійны баец MMA, які трэніраваў сыноў Кадырава, за што атрымаў пасаду віцэ-прэм'ера Чачні. У лістападзе Абдулкерым нечакана падаў у адстаўку, а праз некаторы час памёр.
Другі таямніча памерлы — целаахоўнік Адама Кадырава Мурат Агмерзоеў.
Аўтары адзначаюць, што такое жорсткае пакаранне мужчыны панеслі за тое, што дапусцілі распаўсюджанне пагалосак, якія падрываюць рэпутацыю сям'і Кадыравых.
Хворы Кадыраў таемна ажаніў сваіх непаўналетніх сыноў
Чатыры жонкі Рамзана Кадырава, якія нарадзілі яму 14 дзяцей: хто яны
Расійскія прапагандысты ўсё стараюцца ажывіць Кадырава. Гэтым разам з яго зрабілі незвычайнага асілка
Кадыраў прызначыў свайго 16-гадовага сына куратарам прыватнага ўніверсітэта спецназа імя Пуціна
«Людзі, я вярнулася ў СССР. Яшчэ і 170 рублёў за гэты кашмар!» Блогерка абурылася начной чаргой у падатковую6
Каментары
Із мемуаров офицера Туземной дивизии де Витте:
"Удельный вес чеченца как воина невелик; по натуре он - разбойник-абрек, и притом не из смелых: жертву себе он всегда намечает слабую и в случае победы над ней становится жесток до садизма.
В бою единственным двигателем его является жажда грабежа, а также чувство животного страха перед офицером.
Прослужив среди чеченцев и побывав у них в домашней обстановке в аулах, я думаю, что не ошибусь, утверждая, что все красивые и благородные обычаи Кавказа и адаты старины созданы не ими и не для них, а, очевидно, более культурными и одарёнными племенами.
В то же время справедливость заставляет сказать, что чеченец незаменим и прекрасен, если, охваченный порывом, он брошен в преследование расстроенного врага. В этом случае - горе побеждённым: чеченец лезет напролом. Упорного же и длительного боя, особенно в пешем строю, они не выдерживают и легко, как и всякий дикий человек, при малейшей неудаче подвергаются панике".