Pahrankamitet zajaviŭ ab kancentracyi ŭkrainskich vojskaŭ na biełaruskaj miažy
«Na sumiežnaj terytoryi kancentrujucca roznyja padraździaleńni, u tym liku ź ciažkim uzbrajeńniem, uklučajučy «Bredli», HIMARS, haŭbicy M777», — pieraličvaje DPK.
Pamiežny kamitet zajaviŭ ab niedapuščalnaści «pravakacyj na ŭkrainska-biełaruskaj miažy»
«Apošnim časam u zonie adkaznaści Žytomirskaha pahraničnaha atrada Dziaržpahransłužby Ukrainy fiksujecca pavieličeńnie hrupoŭki ŭkrainskich uzbrojenych farmiravańniaŭ, u tym liku sił śpiecyjalnych apieracyj i śpiecpadraździaleńniaŭ Hałoŭnaha ŭpraŭleńnia raźviedki Minabarony Ukrainy», — zajaviŭ Pamiežny kamitet.
«Na sumiežnaj terytoryi kancentrujucca roznyja padraździaleńni, u tym liku ź ciažkim uzbrajeńniem: MTŁB, BMP, uklučajučy amierykanskija «Bredli», reaktyŭnyja sistemy załpavaha ahniu HIMARS, haŭbicy M777, zienitnyja samachodnyja ŭstanoŭki «Hiepard» niamieckaj vytvorčaści, a taksama inšyja srodki paražeńnia», — pieraličvaje DPK.
Zajaŭlajecca, što pamiežnaja słužba na miažy z Ukrainaj niasie słužbu va ŭzmocnienym režymie i sumiesna ź Minabarony reahuje na źmianieńnie abstanoŭki šlacham pavieličeńnia ščylnaści prykryćcia dziaržaŭnaj hranicy, u tym liku za košt mahčymaściej asnaščanych sučasnym uzbrajeńniem i vajennaj technikaj manieŭranych hrup paŭdniovaha napramku.
«Pravodziacca dadatkovyja mierapryjemstvy pa raźviedcy i kantroli stanu režymu dziaržaŭnaj hranicy. Dziejańni pa harantavańni pahraničnaj biaśpieki ažyćciaŭlajucca ŭ ciesnym uzajemadziejańni z častkami i złučeńniami Uzbrojenych sił i nakiravany na niedapuščeńnie nahniatańnia abstanoŭki na hranicy i papiaredžańnie pravakacyj. Usie jany buduć nieadkładna spyniacca subjektami harantavańnia nacyjanalnaj biaśpieki», — zaklučaje DPK.
«Mahli ź biełaruskimi pamiežnikami zakuryć cyharetu». Jak žyvie polskaje pamiežža z bufiernaj zonaj
Uzmacnić miažu i zabyć? Što aznačaje dla Biełarusi žadańnie Polščy vydatkavać $2,5 miljarda na ŭzmacnieńnie miažy
Kali Biełaruś ustupić u vajnu z Ukrainaj, vojski NATO naŭprost umiašajucca ŭ kanflikt — La Repubblica
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary