Esvacini moža pachvalicca bahatym žyviolnym śvietam. Tut vodziacca sinija bujvały, vintarohija antyłopy, ziebry, biehiemoty, krakadziły.
Biełaruś ź vizitam naviedaje premjer-ministr Esvacini. Pra heta paviedamiŭ MZS pa vynikach sustrečy pasła ŭ PAR Ihara Biełaha z kiraŭnikom urada afrykanskaha Karaleŭstva Rasełam Mmisa Dłamini.
«Surazmoŭcy abmierkavali realizacyju krasavickich damoŭlenaściaŭ kiraŭnika biełaruskaj dypmisii z karalom Esvacini Msvaci III, a taksama prahramu pieršaha ŭ historyi dvuchbakovych adnosin vizitu premjer-ministra Esvacini ŭ Biełaruś», — zajavili ŭ MZS.
Biełaruś i Esvacini niadaŭna ŭstanavili dypłamatyčnyja adnosiny.
Karaleŭstva Esvacini (da 2018 hoda — Svazilend) — kraina na poŭdni Afryki. Miažuje z PAR i Mazambikam. Pa terytoryi suvymiernaja z Hrodzienskaj vobłaściu (17 tys. kvadratnych kiłamietraŭ), nasielnictva — 1,2 młn.
Esvacini moža pachvalicca bahatym žyviolnym śvietam. Tut vodziacca sinija bujvały, vintarohija antyłopy, ziebry, biehiemoty, krakadziły. Niadaŭna adnavili papulacyju hiepardaŭ.
VUP na dušu nasielnictva na 2023 hod: naminał — 4,6 tys. dalaraŭ (168-je miesca ŭ śviecie). Uzrovień biespracoŭja — 54 % (u 2022 h.).
U 2018 hodzie karol Msvaci III abviaściŭ, što Karaleŭstva Svazilend pierajmienavana ŭ Karaleŭstva Esvacini, što adlustroŭvaje isnujučuju nazvu dziaržavy na movie svazi, u aznamienavańnie 50-hodździa niezaležnaści. Nazva Esvacini aznačaje «Ziamla svazi» na movie svazi; adnoj z pryčyn pierajmienavańnia było žadańnie praduchilić błytaninu z padobnaj pa hučańni na anhlijskaj movie nazvaj Šviejcaryi (Switzerland).
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha3
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary