Maksim Charošyn pierajazdžaje na Madejru i adkryvaje tam restaran
U Minsku Maksim Charošyn byŭ adnym z ułaśnikaŭ staličnaj kvietkavaj kramy «Pieršy kvietkavy». Paśla taho, jak u 2020 hodzie jaho mocna źbili siłaviki, jon źjechaŭ u Litvu, dzie taksama adkryŭ kramu kvietak. Zaraz mužčyna płanuje novy pierajezd — na Madejru.
Pra ambicyjnyja płany Maksim raspavioŭ u instahramie.
— Časam mnie zdajecca, što ja naradziŭsia ŭ rondali ci patelni, — pažartavaŭ jon u storys. — Dla mianie ježa — heta bolš, čym prosta ježa.
Pradprymalnik nahadaŭ, što kvietkami jon pačaŭ zajmacca paśla praciahłaha času pracy ŭ restaranach, a pośpiech u kvietkavym biznesie źviazany z tym, što atrymałasia vykarystać dośvied sa śfiery haścinnaści.
— U restaranie ja prajšoŭ usie stadyi rostu — ad aficyjanta da kiraŭnika samaj krutoj sietki restaranaŭ (News Cafe, Grand Cafe, Tapas Bar, Bistro de Luxe, Blondess&Brunnets).
Maksim pracavaŭ u industryi haścinnaści bolš za 20 hadoŭ, a taksama paralelna pravodziŭ navučańnie dla supracoŭnikaŭ restaranaŭ, baraŭ, hatelaŭ, kazino. U apošnija hady jon adkryŭ kvietkavyja kramy ŭ niekalkich krainach.
U hetym hodzie Charošyn ź siamjoj pierajazdžaje ź Vilni na partuhalski archipiełah Madejra. Płany davoli ambicyjnyja — adkryć tam kramu kvietak, a taksama try roznyja restarany. Maksim kaža, što znajšoŭ partniora-biełarusa na pieršy prajekt. Ciapier jon šukaje tych, chto taksama hatovy ŭkłaścisia finansava ŭ jaho idei — ad partniora biznesoviec čakaje minimum 80 tysiač jeŭra.
«Tak nie pavinna, tak nie moža praciahvacca». Dźmitryj Šepieleŭ prakamientavaŭ źbićcio Maksima Charošyna
Uładalnik kvietkavaha mahazina Maksim Charošyn, jakoha pabili siłaviki, časova źjechaŭ z krainy
«Pahražali: ty adkažaš za toje, što razabraŭ vadamiot, padpaliŭ daču Bałaby, pakalečyŭ našych chłopcaŭ kamianiami». Maksim Charošyn — pra svajo zatrymańnie
Uładalnik kvietkavaj kramy Maksim Charošyn zapuskaje biznes-brančy ŭ Vilni i Varšavie
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach12
Kamientary