Tolki na minułym tydni Šarkič hulaŭ suprać Bielhii ŭ tavaryskim matčy i byŭ pryznany najlepšym hulcom pajadynku.
Macija Šarkič, jaki padpisaŭ kantrakt z łondanskim «Miłuołam» z druhoha anhlijskaha dyvizijona minułym letam, niečakana zachvareŭ u čarnahorskim horadzie Budva i pamior siońnia va ŭzroście 26 hadoŭ, piša The Mirror.
Futbalistu, jaki vystupaŭ za šerah brytanskich kłubaŭ, uklučajučy «Astan Viłu», «Vułvierchemptan», «Birminhiem Sici» i «Stok Sici», stała drenna ŭ svajoj kvatery ŭ horadzie Budva. Jaho siabry nieadkładna vyklikali chutkuju dapamohu, ale jon pamior kala 6:30 ranicy pa miascovym časie.
Na minułym tydni Šarkič hulaŭ suprać Bielhii ŭ tavaryskim matčy i byŭ pryznany najlepšym hulcom, ździejśniŭšy dzieviać sejvaŭ, choć čarnahorcy i prajhrali 0:2.
Kłub zaŭziataraŭ «Miłuoła» apublikavaŭ paviedamleńnie: «Žudasnyja naviny my pačuli siońnia ranicaj: naš bramnik Macija Šarkič pamior va ŭzroście 26 hadoŭ. Žudasnyja naviny dla jaho siabroŭ i siamji, a taksama dla ŭsich nas, źviazanych z «Miłuołam». Adnojčy staŭšy lvom, ty zastaniešsia im nazaŭždy».
Ci stała praściej zapisacca na polskuju vizu paśla ŭviadzieńnia fotavieryfikacyi? Dośvied čytačoŭ7
Kamientary