Archieołahi znajšli zapoŭnienuju skarbami hrabnicu syna pieršaha impieratara Kitaja
U maŭzalei impieratara Cyń Šychuandzi ŭ Kitai (III stahodździe da n. e.) znojdzieny 16-tonny sarkafah, napoŭnieny skarbami, paviedamiła vydańnie Arkeonews.
Jak miarkujecca, sarkafah naležyć lehiendarnamu synu pieršaha impieratara Kitaja, pryncu Hao. Jon byŭ zakapany na hłybini 16 mietraŭ. Unutry sarkafaha lažali šeść tysiač srebnych maniet, daśpiechi, niefryt, zbroja, załatyja i siarebranyja viarbludy, nabor kuchonnaha načyńnia. Takija bahaćci mieli blizkija svajaki impieratara ci vajary vysokaha ranhu.
Impieratar Cyń Šychuandzi vielmi šanujecca ŭ Kitai nie tolki za toje, što ŭpieršyniu abjadnaŭ razroźnienyja kitajskija pravincyi. Jon taksama pačaŭ budaŭnictva Vialikaj kitajskaj ściany i ŭvioŭ adzinuju piśmiennaść.
Viadoma, što mienavita pry Cyń Šychuandzi zrabili terakotavaje vojska: šeść tysiač statuj vajaroŭ u naturalnuju vieličyniu. Jany raźmieščanyja ŭ najbujniejšym u śviecie maŭzalei płoščaj 56 kvadratnych kiłamietraŭ. Pobač z hrabnicaj Cyń Šychuandzi, pasiarod «tierakotavaha vojska», akurat i znajšoŭsia vializny sarkafah.
Na hetym samym miescy byŭ znojdzieny vielizarny pałac pamieram z čverć Zabaronienaha horada ŭ Piekinie. Płošča pachavańnia składaje amal 57 kvadratnych kiłamietraŭ. Bolšaja častka nie raskapanaja dahetul praz pahrozu siejśmičnaj aktyŭnaści.
Maŭzalej, jaki nahadvaje padziemny horad, uklučany ŭ śpis abjektaŭ suśvietnaj kulturnaj spadčyny JUNIESKA.
Navukoŭcy raskryli adnu z hałoŭnych tajamnic jehipieckich piramid
Navahrudski zamak raście ŭvierch. Ci narmalna heta?
Staražytnyja ludzi na terytoryi Biełarusi žyli bolš za 400 tysiač hadoŭ tamu
Biełaruski Stoŭnchendž ci siaredniaviečnyja mohiłki? Admietny kompleks vałunoŭ u Białynickim rajonie dahetul toić zahadki
Kala Łondana vypadkova znajšli ruiny staražytnaha horada
U Danii znajšli załaty piarścionak, jakomu paŭtary tysiačy hadoŭ
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary