Na prodaž vystavili, zdajecca, samuju darahuju chacinu Biełarusi: za chistkuju chatu prosiać $850 tysiač
Za chistkuju chatku z 15 sotkami ŭ Minsku pradaviec płanuje atrymać 850 tysiač dołaraŭ. U tyktoku pytajucca, ci nie znajšli na ŭčastku radovišča nafty, kali jon stolki kaštuje. Ale pryčyna bolš prazaičnaja.
Prapanova zusim nie VIP-nieruchomaści pa vielmi ŭražlivym košcie źjaviłasia ŭ ahienctvie nieruchomaści «Mietryum». Chacina była pabudavana ažno ŭ 1949 hodzie. Ahulnaja płošča budynka ŭsiaho 49 kvadrataŭ, žyłaja — kala 18. Aciapleńnie piačnoje. Unutrany stan doma navat nie rašylisia pakazvać na fota ŭ abjavie. Pobač z asnoŭnym budynkam jość dryvotnia, jakaja, zdajecca, voś-voś abryniecca.
Ale ž hałoŭnaja kaštoŭnaść prapanovy — heta, kaniešnie, nie budynak. Ryełtary nazyvajuć učastak unikalnym. I heta sapraŭdy tak.
Znachodziacca 15 sotak u mikrarajonie Viaśninka. Da vadaschovišča Drazdy ŭsiaho 5 chvilin pieššu. Rukoj padać da handlovaha centra «Arena-Sici», elitnaha spa-centra «Spa Ryŭjera i «Minsk-Areny».
«Pravilnaja forma ŭčastka daść vam prastor dla ažyćciaŭleńnia luboha prajekta», — zapeŭnivajuć ryełtary.
Ad Abielskaj da Jarmošynaj: 112 uładalnikaŭ katedžaŭ u Drazdach, poŭny śpis
U Minsku pradajecca kvatera z ułasnym kinateatram. Na jaje ŭžo prapanujuć źnižku 50 tysiač dalaraŭ
Alimpijski pryzior Daščynski pradaje dom kala Drazdoŭ. Jak vam interjery?
Ciešča eks-staršyni SK radykalna pierabudavała katedž u Drazdach. I prosić za jaho $3,3 miljona FOTY
Hajdukievič paraiŭ biełarusam, jakija nie ździajśniali złačynstvaŭ, «adsiedzieć i žyć dalej»19
Kamientary