Izrailski ŭdar pa centry Biejruta: livanskija ŭłady paviedamili pra šeść zahinułych
Prynamsi šeść čałaviek zahinuli ŭ vyniku izrailskaha avijaŭdaru pa centry Biejruta ŭ sieradu ŭviečary, paviedamlaje Ministerstva achovy zdaroŭja Livana. U zajavie viedamstva havorycca, što ranieńni atrymali 11 čałaviek, piša Bi-bi-si.
Armija abarony Izraila raniej paviedamiła, što naniesła dakładny ŭdar pa abjekcie hrupoŭki «Chiezbała» ŭ Biejrucie.
Jak paviedamlajuć livanskija krynicy, u vyniku ŭdaru byŭ paškodžany miedycynski centr, jaki naležyć «Chiezbale».
Try vybuchi taksama prahrymieli na poŭdni Biejruta, za imi paśledavali jašče dva vybuchi.
Budynak znachodzicca ŭ rajonie El-Bašura pobač z parłamientam Livana i rehijanalnaj štab-kvateraj AAN.
Pieršy ŭdar pa centry Biejruta izrailskaja armija naniesła ŭ noč na paniadziełak, da hetaha jana ŭ asnoŭnym atakavała paŭdniovyja ŭskrainy horada, dzie skancentravany abjekty «Chiezbały».
Izrailskija vajskoŭcy ŭnačy znoŭ vypuścili papiaredžańnie dla žycharoŭ niekatorych rajonaŭ na poŭdni livanskaj stalicy ab nieabchodnaści pakinuć ich u suviazi z tym, što CACHAŁ płanuje nanosić pa ich udary.
«Vy znachodziciesia pablizu abjektaŭ, jakija naležać «Chiezbale», suprać jakich vojska budzie dziejničać najbližejšym časam», — zajaviŭ pradstaŭnik Vojska abarony Izraila Avichaj Adrai.
Ministerstva achovy zdaroŭja Livana paviedamiła, što za apošnija sutki ŭ vyniku izrailskich udaraŭ zahinuli 46 čałaviek, 85 atrymali ranieńni.
-
Luboŭ Uśpienskaja zajaviła, što jaje dačku skrali i prymusili dać praŭkrainskaje intervju za toje, što śpiavačka padtrymlivaje vajnu
-
Paralizavanamu žurnalistu pryjšłosia paŭźci ŭ prybiralniu ŭ samalocie
-
Centralny vakzał Hamburha pierakryvali z-za redkaha śmiarotnaha virusa, jaki zabivaje da 90% achviar
Kamientary