BT zapisała prapahandysckaje intervju z Darjaj Łosik jašče ŭ sakaviku, ale pakaža tolki ciapier
Prapahandysty anansavali pakaz intervju z palitźniavolenaj Darjaj Łosik. Jaje muž, błohier Ihar Łosik, taksama znachodzicca za kratami. Jak stała viadoma «Našaj Nivie», videa zapisvali jašče niekalki miesiacaŭ tamu.
U kancy maja błohier Alaksandr Kabanaŭ paviedamiŭ u strymie, što Darja Łosik napisała zajavu na razvod ź Iharam Łosikam. Paśla hetaha biełaruskija miedyja praz svaje krynicy paćvierdzili infarmacyju, što razvod adbyŭsia.
Byłaja palitźniavolenaja Darja Afanaśjeva raskazvaje, što prapahandysckaje videa z Darjaj Łosik zapisali jašče ŭ siaredzinie sakavika. Heta nie adzinaja źniavolenaja kałonii № 4, vymušanaja prajści praz padobnuju praceduru — anałahičnyja hutarki zapisvalisia jak minimum jašče ź dźviuma žančynami.
Surazmoŭca apisvaje stan byłoj susiedki jak niaprosty: «Daša trapiła ŭ vielmi składanuju situacyju, dzie ŭ jaje z samaha pačatku nie było vybaru. U jaje skrali muža, siamju, jana pierastała žyć ułasnym žyćciom. Jašče da taho, jak jana apynułasia za kratami, Daša pastaviła na paŭzu i svajo žyćcio, i žyćcio dački.
Jana pastajanna źbirała pieradačy i jeździła ŭ SIZA, potym u turmu… Uvieś čas čakała zvankoŭ, davała niejkija intervju, pisała pasty. Daša žyła ŭ niavoli razam ź Iharam i rabiła ŭsio, što ad jaje zaležyć».
Afanaśjeva pasiabravała z Darjaj Łosik — dziaŭčyny znachodzilisia ŭ adnym atradzie. Jana zaklikaje nie źviartać uvahi na infarmacyju pra razvod Łosikaŭ i na intervju jaje siabroŭki:
«Dziaŭčaty ŭ zakładnikach, jany vyžyvajuć jak mohuć. Mnie b nie chaciełasia, kab, kali Daša vyjdzie z turmy, na jaje pasypalisia niepryjemnyja pytańni. Jana traŭmavanaja i svaim terminam, i terminam muža. Kali prapahanda takoje zdymaje, značyć, im dahetul treba niešta dakazać ludziam — dakazać, što my «pakajalisia».
Ja ščaślivaja, što paznajomiłasia z Dašaj. Heta dobry i spahadlivy čałaviek, jakomu ja zaŭždy mahła daviarać».
«Naša Niva» — bastyjon biełaruščyny
PADTRYMAĆ«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary