Ajcišniki ź Biełarusi źniali pałovu ofisnaj Vilni — ale ciapier traciać cikavaść
Pavodle danych mižnarodnaj kampanii Colliers, za 2022 hod IT-kampanii z biełaruskimi karaniami zaniali pałovu ajcišnych ofisaŭ Vilni — 15 tys. z 30 tys. kvadrataŭ, arandavanych usim IT-siektaram. Ale letaś aktyŭnaść prykmietna ŭpała, piša Devby.io.
U 2023 analityki nie zafiksavali značnych uhod ź biełaruskimi kampanijami. Vyklučeńnie — EPAM, jaki arandavaŭ kala 1,6 tys. kv. mietraŭ ofisnych płoščaŭ u Business Stadium North East.
Vierahodna, tym samym kampanii ź biełaruskimi karaniami paŭpłyvali na ahulnaje padzieńnie popytu na litoŭskija ofisy.
Usiaho ŭ Vilni było arandavana 63 tys. kv. mietraŭ ofisaŭ za hod (znoŭ zaklučanyja damovy). Heta najhoršy pakazčyk ad 2016 hoda. Naprykład, u 2022 hodzie było arandavana 108 tys. kv. mietraŭ.
IT-kampanii lidziravali — źniali bolš za 16 tys. kv. mietraŭ, abo 26% ad usich arandavanych płoščaŭ. Adnak u paraŭnańni z 2022 hodam hety pakazčyk upaŭ amal udvaja.
Na popyt na ofisy, u pryvatnaści, z boku biełaruskich kampanij, upłyvaje paharšeńnie ŭmoŭ pracy dla biznesu. Za apošni hod ahulnaja kolkaść biełaruskich kampanij u Litvie źmienšyłasia bolš čym na tracinu.
ZPP|Belarus Business Center letaś u chodzie daśledavańnia vyjaviŭ klučavyja prablemy biełaruskaha biznesu ŭ Litvie.
- Uskładnienaja praca z bankami i finansavymi ŭstanovami: admovy pry adkryćci rachunkaŭ, u kredytach, zamarozki płaciažoŭ.
- Admovy kontrahientaŭ, partnioraŭ i pastaŭščykoŭ ad uzajemadziejańnia praz reputacyjnyja ryzyki.
- Niemahčymaść atrymańnia viz, ciažkaści pry atrymańni DNŽ i PMŽ.
- Składanaści pry ŭzajemadziejańni z orhanami ŭłady.
- Pavialičanaja kolkaść pravierak.
- Vysokaja zahružanaść niešmatlikich pamiežnych punktaŭ, jakija funkcyjanujuć.
Supracoŭniki kampanij sutykajucca z prablemami ź lehalizacyjaj u Litvie. Na praciahu hoda niekatorym biełarusam, u tym liku ajcišnikam, anulavali DNŽ. Uletku minułaha hoda na vychad paprasili tych, chto słužyŭ pa kantrakcie ŭ vojsku RB, byŭ źviazany z vajenpramam abo siłavymi strukturami. Paźniej ułady Litvy ŭbačyli pahrozu ŭ śpiecyjalistach, jakija raniej pracavali ŭ atamnaj halinie.
«Hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach8
Kamientary
Prikolno čitať o trudnostiach dla biźniesa. Provierki, błokirovki i t.p. Nieužieli v svobodnoj Jevropie tak diełajut, tam žie raj dla biźniesa. A tut takoje v staťje...