Žychary horada znajšli ryzykoŭny sposab zarabić.
Žychary Jekaciarynburha ližuć škarłupinu syrych jajek, kab atrymać atručeńnie. Jany spadziavalisia zarabić takim čynam miljon rasijskich rubloŭ (krychu bolš za 11 tysiač dołaraŭ).
Usia sprava ŭ miascovym supiermarkiecie «Žizńmart». U apošni čas pačaścilisia vypadki atručvańnia praduktami z hetaj kramy — za miesiac u Rasspažyŭnahlad źviarnulisia 18 čałaviek. Uładalnik sietki Ivan Zajčanka pryznaŭ prablemu, paprasiŭ prabačeńnia ŭ pakupnikoŭ, zajaviŭ, što kantrakty z pastaŭščykami, jakija jaho padviali, skasavany, piša Baza.
Akramia taho, Zajčanka paabiacaŭ vypłacić pa miljonie rasijskich rubloŭ usim atručanym. Heta abjava adkryła skryniu Pandory.
Žychary Jekaciarynburha prynialisia skuplać pradukty ŭ supiermarkiecie, a taksama lizać syryja jajki ŭ nadziei na atručeńnie salmaniełaj. Usio dziela taho, kab atrymać hety zapavietny miljon. Akramia taho, pakupniki stali skardzicca na ŭžo pravieranyja pradukty.
U vyniku Zajčanka nazvaŭ ideju ź miljonam «całkam idyjockaj».
«Vidać, ź miljonam była zusim idyjockaja ideja, heta maja pamyłka. U vypadku pryznańnia našaj viny ja chacieŭ zrabić dabro i niejak kampiensavać ludziam stvoranyja prablemy. Ale dobrymi namierami vybrukavanaja daroha ŭ piekła. Tamu, kali łaska, nie ablizvajcie jajki, heta niebiaśpiečna», — zaklikaŭ pakupnikoŭ biznesmien.
Jon znoŭ paprasiŭ prabačeńnia i zajaviŭ, što vypłacić hrošy tolki 18 paciarpiełym, jakija źviarnulisia ŭ Rasspažyŭnahlad da abjaŭleńnia «akcyi». Tym časam kolkaść skarhaŭ dasiahnuła 90.
Adznačym, što salmanieloz, jakim možna zarazicca, kali lizać škarłupinu jajek, moža pryvieści da surjoznych prablem sa zdaroŭjem i navat śmierci.
29 kiłahram u try hady: minčanka haduje dačku ź ciažkaj chvarobaj, a chiejtary prapanujuć pierastać davać ježu viodrami
«Chaču Porsche, ale baćki padaryli Geely». Na jakich mašynach biełaruskija studenty pryjazdžajuć u VNU?
Dyzajnier Byčkoŭski pachudzieŭ sa 165 da 85 kh. Heta ŭžo jaho treciaja vajna z vahoj — što dapamahaje nie sarvacca ciapier?
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova14
Kamientary