U kałonii «Voŭčyja nory» viaźni sabrali hrošy na ramont i sami jaho zrabili
Asudžanyja zrabili ramont svaimi rukami ŭ žyłoj siekcyi atradaŭ № 4 i № 7.
Hrošy na budmateryjały i navat sučasnyja aśviatlalnyja prybory byli sabranyja «na dobraachvotnych pačatkach». Adkazvaŭ za zbor srodkaŭ načalnik atrada № 7 kapitan unutranaj słužby Siarhiej Trybuchoŭski, piša Mayday.team.
Ramont atrymaŭsia hrandyjoznym. U rekordnyja terminy asudžanyja svaimi rukami zamianili elektrapravodku, zrabili razvodku i mantaž trub. Ścieny pafarbavali ŭ šery koler z aranžavym azdableńniem i dekoram pad kamień. Zmanciravali aśviatleńnie śviatłodyjodnymi lampami, jakoje pracuje ŭ troch režymach — vierchni, asnoŭnaje śviatło i bakavoje aśviatleńnie.
A adzin ź viaźniaŭ u roznych technikach vylepiŭ na ścianie abjomnuju dekaratyŭnuju kampazicyju ŭ vyhladzie ranišniaha lesu z vadaspadam i vozieram.
Ramont zrabili i ŭ pakoi dla myćcia — zamianili santechniku, a padłohu vykłali dekaratyŭnaj plitkaj z malunkam pad kamień.
Pra ŭsio heta administracyja PK-22 dazvoliła adnamu z aktyvistaŭ raspavieści ŭ liście ŭ adras haziety «Pracoŭny šlach» Departamienta vykanańnia pakarańniaŭ (DVP) MUS. Heta vydańnie dla viaźniaŭ vychodzić dva razy na miesiac z krasavika 1955 hoda. U svabodnym prodažy abo elektronnym vyhladzie haziety niama, jana dastupnaja tolki pa padpiscy, a padpisvacca na jaje prymušajuć samich źniavolenych.
U haziecie navat jość śpiecyjalnaja rubryka «Ramont svaimi siłami», u jakoj, jak prykład, apisvajuć roznyja varyjanty vybivańnia hrošaj sa svajakoŭ na praviadzieńnie ramontaŭ. U zaležnaści ad vydatkavanaj sumy chtości z asudžanych pojdzie na UDV.
Hazieta «Pracoŭny šlach» u budučyni moža stać skarbnicaj dla rasśledavańniaŭ złoŭžyvańniaŭ u sistemie DVP.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova5
Kamientary