Časovym vykanaŭcam abaviazkaŭ staršyni Fiederacyi chakieja Respubliki Biełaruś pryznačany spartyŭny dyrektar fiederacyi Uładzimir Švaboŭski.
Za jaho prahałasavali 28 udzielnikaŭ niečarhovaj kanfierencyi FCHRB, jakaja prajšła 21 studzienia ŭ Minsku.
Takim čynam novy staršynia hetaj arhanizacyi ŭzamien Uładzimiru Navumavu, jaki kiravaŭ fiederacyjaj z 2001 hoda, a 18 śniežnia 2009 hoda padaŭ u adstaŭku, abrany nie byŭ.
Staršynia Centralnaha savieta BFST «Dynama» Jury Barodzič, jakoha na pasadu staršyni FCHRB vyłučyła Minskaja spartyŭnaja dziciača-junackaja škoła alimpijskaha reziervu, uziaŭ samaadvod. Sam Juryj Barodzič na kanfierencyju nie źjaviŭsia ŭ suviazi z kamandziroŭkaj ŭ Viciebskuju vobłaść. Ad jaho imia vystupiŭ pamočnik staršyni BFST «Dynama» Alaksandr Mušta.
Barodzič praz Muštu padziakavaŭ udzielnikam kanfierencyi za vyłučeńnie, ale z pryčyny vialikaj zahružanaści na čale BFST «Dynama», a taksama roznych pasadach u Nacyjanalnym alimpijskim kamitecie, Prezidenckim spartyŭnym kłubie, u vykankamach fiederacyj handboła i bijatłona, uziaŭ samaadvod.
Pradstaŭniki navapołackaha chakiejnaha kłuba «Chimik-SKA»
prapanavali delehatam abrać Uładzimira Navumava hanarovym staršyniom Fiederacyi chakieja Biełarusi,
i kanfierencyja prahałasavała za hetuju prapanovu.
Novy staršynia Fiederacyi chakieja Biełarusi budzie abrany na niečarhovaj kanfierencyi, papiarednie pryznačanaja na 15-16 sakavika.
Kamientary