Ksienija Lebiedzieva treci raz vyjšła zamuž. Za kaho? FOTY
Prapahandystka BT padzialiłasia, što pabrałasia šlubam.
Viasielle prajšło 26 kastryčnika.
«Darahija siabry, lublu, całuju, abdymaju! Vialiki dziakuj usim za vinšavańni, ciopłyja słovy i pažadańni ŭ naš adras!!! Chutka padrabiaznaści hetaj cudoŭnaj padziei», — napisała jana.
Dla 36-hadovaj Ksienii (dziavočaje proźvišča jakoj Račkova) heta ŭžo treci pachod u ZAHS. Upieršyniu jana vyjšła zamuž va ŭzroście 23 hadoŭ. Jaje abrańnikam staŭ inšaziemiec pa proźviščy Alchmam, jaki byŭ miedykam i vučyŭsia ŭ Biełarusi. Dziela taho kachańnia Ksienija navat pahadziłasia źmianić relihiju i pryniała isłam.
Šlub nie pratryvaŭ doŭha. Prykładna praz dva hady para raźviałasia. Pavodle słoŭ Ksienii, heta była jaje inicyjatyva. Adnoj z pryčyn jana nazvała svoj strach źjazdžać u zusim čužuju krainu.
U čas pracy na žanočym partale velvet.by u Ksienii źjaviŭsia prychilnik, jaki pisaŭ kamplimienty žurnalistcy pad jaje tekstami i pryznańni ŭ kachańni ŭ jaje błohu. Kavaler uraziŭ dziaŭčynu surjoznymi namierami: jon kazaŭ pra toje, što dziela budučych dziaciej hatovy admovicca ad kureńnia i ałkaholu, sačyć za režymam dnia, pačać zajmacca sportam i prymać vitaminy.
Apafieozam toj historyi kachańnia stała nievialikaje viasielle, jakoje adbyłosia ŭ dzień naradžeńnia Ksienii — 12 śniežnia 2014 hoda. Ad druhoha muža jana i atrymała proźvišča Lebiedzieva. Ale i tyja adnosiny pratryvali nie vielmi doŭha.
Dziaciej u Ksienii niama.
Prychilniki vinšujuć u sacsietkach Lebiedzievu i jaje abrańnika Aleha sa śviatam.
Imavierna, novym mužam prapahandystki staŭ kaleha — režysior BT Aleh Daŭhapołaŭ. Ź im Ksienija jeździła ŭ kamandziroŭku na Danbas, a taksama hod tamu adpačyvała na Azoŭskim mory (kala Novaazoŭska).
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy2
Kamientary