U CVK padadzienyja dakumienty ab rehistracyi inicyjatyŭnaj hrupy hramadzian pa zbory podpisaŭ vybarščykaŭ u padtrymku vyłučeńnia Alaksandra Chižniaka kandydatam u prezidenty Biełarusi.
Alaksandr Chižniak — staršynia dekaratyŭnaj Respublikanskaj partyi pracy i spraviadlivaści.
Taksama jon dyrektar «BiełNDIPhoradabudaŭnictva» i zaadno deputat Minharsavieta.
BiełTA paviedamlajecca, što Chižniak schadziŭ u CVK, kab padać dakumienty, asabista.
Alaksandr Chižniak naradziŭsia 16 sakavika 1978 hoda ŭ Chojnikach. Ale paśla avaryi na ČAES siamja pierajechała spačatku ŭ Smalavicki rajon, paśla ŭ Viciebskuju vobłaść, a ŭrešcie ŭ pasiołak Čyść Maładziečanskaha rajona.
U 2000 hodzie skončyŭ Biełaruski kamiercyjny ŭniviersitet kiravańnia pa śpiecyjalnaści «Pravaznaŭstva», pracavaŭ u prajektnym instytucie «Biełdzipraahracharčpram» na pasadach ad viadučaha da hałoŭnaha juryskonsulta.
Paśla pracavaŭ u «BiełNDIPhoradabudaŭnictva» hałoŭnym juryskonsultam, načalnikam infarmacyjna-pravavoha adździeła, kiraŭnikom pradstaŭnictva ŭ Smalenskaj vobłaści. Z 2015 hoda dyrektar «BiełNDIPhoradabudaŭnictva».
U 2006 i 2015 hadach «za dobrasumlennuju pracu i aktyŭny ŭdzieł u hramadskim žyćci» atrymaŭ padziaki Łukašenki. U 2025 hodzie maje dobry šaniec papoŭnić hetuju kalekcyju.
Heta inšaje? Na čym padstaŭlajuć udzielnikaŭ fłešmobu «Nado!»
Hajdukievič padaŭ dakumienty na rehistracyju inicyjatyŭnaj hrupy
Žart ad Šrajbmana: Kali Hajdukievič pojdzie na vybary, jon voźmie situacyju ŭ svaje ruki
Staršynia CVK sprahnazavaŭ, kolki proźviščaŭ budzie ŭ biuleteni na prezidenckich vybarach
Kamientary
Małady i krasivy, ja b padpisałasia, ale bajusia.