Vybary ŭ ZŠA projduć u listapadzie 2024 hoda. Da Donalda Trampa i jaho atačeńnia žurnalisty pryhladajucca ŭsio bolš pilna.
Kali Tramp vyjhraje vybary, to vialikija šancy stać vice-prezidentam maje hubiernatar Paŭnočnaj Dakoty Dah Bierham, piša Axios sa spasyłkaj na niekalkich abaznanych.
Sa słoŭ krynic, u apošnija tydni Tramp časta zhadvaŭ imia Bierhama ŭ hutarkach z chaŭruśnikami.
Dźvie krynicy, znajomyja ź mierkavańniem Trampa, skazali, što jamu padabajucca strymanyja pavodziny Bierhama i jaho hubiernatarski dośvied, i jon ličyć Bierhama nadziejnym i nie dramatyčnym čałaviekam.
Heta padobna na tyja rysy, pra jakija Tramp zhadvaŭ u 2016 hodzie, kali jon prapanavaŭ Majku Piensu stać jaho naparnikam na vybarach. U toj čas Piens byŭ hubiernataram Indyjany.
Aściarožnyja maniery Piensa časta rezka kantrastavali sa stylem Trampa.
67-hadovy Bierham, jaki bałatujecca na druhi termin u «čyrvonaj» Paŭnočnaj Dakocie, źjaŭlajecca pierakananym biznesmienam-kansiervataram, i mnohija ličać jaho prymalnym dla respublikancaŭ ź isteblišmientu.
Bierham padtrymlivaje Trampa pa mnohich pytańniach, uklučajučy aborty.
U ich jość adzin ahulny asabisty momant, jaki, pa słovach krynic, časam ŭspłyvaje ŭ razmovie pamiž Trampam i Bierhamam: Ketryn Bierham paśpiachova lečycca ad ałkahalizmu, zaležnaści, ź jakoj taksama zmahaŭsia pamierły brat Trampa Fred Tramp-małodšy.
Bierham nieprykmietna pravodzić kampaniju ŭ padtrymku Trampa i vystupaje na kansiervatyŭnych i mejnstrymnych telekanałach.
Pradstaŭniki Trampa i Bierhama admovilisia ad kamientaroŭ.
Łukašenka pryznaŭ, što maje patrebu ŭ adpačynku i što vialikaja kolkaść ludziej jaho praklinaje57
Kamientary