U Iranie prysudzili da śmiarotnaj kary viadomaha repiera, jaki ŭdzielničaŭ u antyŭradavych pratestach
Pieršapačatkova jamu dali šeść hadoŭ turmy.
![](http://d3kcf2pe5t7rrb.cloudfront.net/img/w840d4webp1/photos/z_2024_04/reper240425-b1eu8.jpg.webp)
Ułady Irana pryhavaryli da śmiarotnaj kary papularnaha repiera Tamadža Salechi, jaki ŭdzielničaŭ u antyŭradavych pratestach 2022—2023 hadoŭ. Ab hetym paviedamlajuć ahienctva Reuters i pravaabarončaja arhanizacyja Iran Human Rights (IHR).
Pravaabaroncy ŭdakładnili, što Salechi pryznali vinavatym u «raspaŭsiudzie karupcyi na ziamli» (termin, jaki iranskija ŭłady vykarystoŭvajuć dla abaznačeńnia šyrokaha koła złačynstvaŭ, u tym liku źviazanych ź isłamskaj marallu), piša «Nastojaŝieje vriemia».
Advakat Salechi Mustafa Neli zajaviŭ, što budzie abskardžvać śmiarotny prysud.
Artysta zatrymali i paśla aryštavali ŭ kastryčniku 2022 hoda. Jaho abvinavacili ŭ padtrymcy pratestoŭcaŭ suprać urada, u tym liku, u svaich pieśniach i publičnych vykazvańniach. U 2023 hodzie Viarchoŭny sud Irana pryhavaryŭ Salechi da šaści hadoŭ i troch miesiacaŭ turmy.
U Iranie sud pryhavaryŭ da śmierci načalnika palicyi za zabojstva pratestoŭca. Što?
Ułady Irana nie dali pajechać na cyrymoniju ŭručeńnia premii Sacharava siamji dziaŭčyny, zabitaj za niapravilnaje našeńnie chidžabu
Pamierła 16-hadovaja iranka, jakaja patrapiła ŭ komu paśla zatrymańnia za adsutnaść chidžaba
Kamientary