Meram Navapołacka staŭ były namieśnik Karpiankova. Što viadoma pra Ihara Burmistrava?
Staršynioj Navapołackaha harvykankama staŭ 55-hadovy Ihar Burmistraŭ. Apošniaja jaho pasada — pieršy namieśnik kamandujučaha ŭnutranymi vojskami MUS.
![](http://d3kcf2pe5t7rrb.cloudfront.net/img/w732d4webp1/photos/z_2019_07/burmistrau-t3c21.jpg.webp)
Kiravać Navapołackam znoŭ pryznačyli siłavika. Raniej pasadu zajmaŭ kadebist Dźmitryj Dziamidaŭ, jakoha pieraviali ŭ Viciebsk kiravać abłasnym savietam deputatam.
Na jaho miesca staŭ 55-hadovy hienierał-major Ihar Burmistraŭ, jaki rabiŭ karjeru va ŭnutranych vojskach. Niekali jon byŭ kamandziram vajskovaj čaści №5530 unutranych vojskaŭ MUS u Połacku, tamu maje dačynieńnie da rehijonu.
U 2008-2014 Burmistraŭ uznačalvaŭ śpiecnaz u Homieli (v/č №5525) i šostuju asobnuju śpiecyjalnuju minskuju milicejskuju bryhadu ŭnutranych vojskaŭ (v/č №5448).
Paśla byŭ pieršym namieśnikam načalnika apieratyŭnaj i bajavoj padrychtoŭki ŭnutranych vojskaŭ, namieśnikam kamandujučaha ŭnutranymi vojskami.
U 2018 Burmistraŭ staŭ pieršym namieśnikam kamandujučaha ŭnutranymi vojskami MUS. Pracavaŭ pad kiraŭnictvam Mikałaja Karpiankova.
Za datyčnaść da razhonu pratestaŭ-2020 uniesieny ŭ sankcyjny śpis Jeŭrasajuza.
U vieraśni 2023 hoda Ihar Burmistraŭ byŭ zvolnieny ŭ adstaŭku pa ŭzroście.
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?
![](http://d3kcf2pe5t7rrb.cloudfront.net/img/w450h300crop1webp1/photos/stock/latushka-efrrk.jpg.webp)
Kamientary