Usiaho patrochu11

Astranomy vyjavili najbujniejšuju ŭ hałaktycy čornuju dzirku zornaj masy. Jana vielmi blizka da Ziamli

Masa niabačnaj susiedki pieravyšaje soniečnuju prykładna ŭ 33 razy.

ESO / L. Calcada

Astranomy Jeŭrapiejskaha kaśmičnaha ahienctva vyjavili pa susiedstvie z Soniečnaj sistemaj masiŭnuju čornuju dzirku, jakaja kaliści była vieličeznaj zorkaj, piša Bi-bi-si.

Masa niabačnaj susiedki (jaje nazvali Gaia BH3) pieravyšaje soniečnuju prykładna ŭ 33 razy, što robić jaje najbujniejšaj z usich ciapier vyvučanych (peŭna paćvierdžanych) u svaim «zornym» kłasie.

Pry tym što čornych dzirak zornaj masy (tak kłas nazyvajecca aficyjna) u našaj hałaktycy adkryta ŭžo paŭtara dziasiatka. Adnak navat samaja masiŭnaja ź ich — zaraz užo byłaja rekardsmienka — lahčej tolki što vyjaŭlenaj u paŭtara ź lišnim razy.

Ale ledź nie jašče bolš navukoŭcaŭ ździviła toje, nakolki blizka — pa kaśmičnych mierkach, viadoma, — znachodka akazałasia da Ziamli: usiaho 2000 śvietłavych hadoŭ.

Bližej — tolki Gaia BH1, vyjaŭlenaja try hady tamu ŭ suzorji Adnaroha: da jaje 1500 sv.hadoŭ.

«Nichto i ŭjavić nie moh, što prosta ŭ nas pad bokam moža znachodzicca hetak masiŭnaja čornaja dzirka — zastajučysia pry hetym nie vyjaŭlenaj», — nie chavaje ździŭleńnia astranom Paryžskaj absiervatoryi Paskvale Panuca.

«Takoje adkryćcio za ŭsiu navukovuju karjeru možna zrabić tolki raz!» — upeŭnieny jon.

Kab paćvierdzić zroblenaje adkryćcio, spatrebiłasia kamanda z bolš čym 300 navukoŭcaŭ z usich kantynientaŭ.

Na dapamohu nazirańniam teleskopaŭ naziemnych absiervatoryj pryjšli śpiektrohrafy, jakija pracujuć za miežami bačnaha dyjapazonu. Tak atrymałasia atrymać nieabchodnyja danyja, kab adnosna dakładna vyznačyć masu BH3.

Takija abjekty znachodzili i raniej, ale inšym sposabam i za miežami našaj hałaktyki, što nie dazvalaje ich hetak dobra vyvučyć.

Čornaja dzirka — heta vobłaść prastory-času, siła hravitacyi ŭ jakoj nastolki vialikaja, što pakinuć jaje nie mohuć nijakija abjekty abo chvali, u tym liku śviatło.

Niahledziačy na nazvu, čornaja dzirka na samaj spravie nie pustaja znutry. Naadvarot, jana zapoŭnienaja vielizarnaj masaj materyi, ścisnutaj u nievialikim abjomie, što stvaraje vialikuju siłu pryciahnieńnia

Vakoł čornaj dzirki raźmiaščajecca vobłaść, zvanaja haryzontam padziej. Heta ŭjaŭnaja miaža ŭ prastory, «kropka niezvarotu», paśla pierasiačeńnia jakoj vyrvacca z hravitacyjnaj pastki ŭžo niemahčyma.

Kamientary1

  • Čornaja dzirka
    16.04.2024
    [Red. vydalena]

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

Viačorka: Łukašenka abvieścić datu svaich vybaraŭ, tolki kali skončacca amierykanskija5

Pamior mastak Valeryj Čajka. Jon afarmlaŭ minskaje mietro

Zialenski pra zajavu Budanava pra nastup Rasii z poŭnačy: Jaho nie tak zrazumieli1

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman52

Jak vyhladaje čarha pa vadu ŭ Mazyry6

Jašče adna achviara ŭrahanu: u Śvietłahorsku dreva zabiła 90-hadovaha mužčynu

Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia1

«Paśpieli raźvitacca z žyćciom». Vidavočcy raskazali pra śmiarotny ŭrahan na Vilejskim vadaschoviščy5

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →