Ihar Cierachaŭ. Fota: Ihor Terekhov / Facebook

Ihar Cierachaŭ. Fota: Ihor Terekhov / Facebook

«Evakuacyja idzie z vobłaści, dzie praciahvajucca bajavyja dziejańni. I hetyja ludzi jeduć u Charkaŭ. Ciapier u horadzie — 1,3 młn žycharoŭ. Pakul ni my, ni vajskoŭcy nie bačym padstaŭ dla evakuacyi z Charkava. Heta častka rasijskich IPSA, kab zapałochać i prymusić niervavacca haradžan», — kaža Cierachaŭ. 

Jon havoryć, što Rasija zaraz vykarystoŭvaje suprać Charkava novuju zbroju — snarady bolšaha radyusu dziejańnia, ale sami akupanty bližej da horada nie padyšli. Pieravažna rasijanie bjuć pa Charkavie ź Biełharada i vobłaści. S-300, pa słovach Cierachava, dalataje da Charkava za 40 siekund. Taksama prylatajuć «šachiedy», jakich raniej nie było.

«Ja nie viedaju, jaki płan u voraha. Užo razburana praktyčna ŭsia krytyčnaja enierhietyčnaja infrastruktura, pryvatnaja taksama raźbita. Rasija choča nas zapałochać, ale heta niemahčyma. Za dva hady my bačyli roznyja ŭzroŭni pahroz, pačynajučy z DRH u samim Charkavie. Byli časy, kali z praktyčna dvuchmiljonnaha horada zastavałasia 300 000. Situacyja dla enierhietyčnaj haliny vielmi ciažkaja», — kaža jon i dadaje, što niahledziačy na ​​heta, «nichto nie apuskaje ruki».

«Paniki ŭ horadzie niama. Zapałochvańni Rasii nie pracujuć — ludzi zhurtavanyja. Charkaŭ — heta farpost Ukrainy. I my vydatna heta razumiejem«», — padsumavaŭ Cierachaŭ.

Raniej vydańnie «Mieduza», sa spasyłkaj na krynicy, pisała, što rasijanie pasprabujuć zachapić Charkaŭ i pastupova tak skončyć vajnu.

Čytajcie taksama:

Što za zabiahałaŭka ź biełaruskaj kuchniaj, dzie pad nohi klijentaŭ pakłali ściahi Ukrainy, Polščy i ZŠA?

Rasija patrabuje, kab Ukraina aryštavała kiraŭnika SBU

Jak u Ispanii zabili lotčyka Kuźminava, što pierahnaŭ va Ukrainu rasijski viertalot, i što mahło jaho vydać

Клас
1
Панылы сорам
0
Ха-ха
0
Ого
0
Сумна
3
Абуральна
7