Hramadstva33

«Čarniecki dumaje, što słucki pojas — papruha, jakoj jaho bacia łupcavaŭ u dziacinstvie» — Chalezin pra novaha ministra kultury

U novym vypusku TOKu viadomy režysior Mikałaj Chalezin vykazaŭ svoj pohlad na rolu Ministerstva kultury Biełarusi i jaho novaha kiraŭnika.

Rusłan Čarniecki. Fota: BiełTA

Jak viadoma, niadaŭna novym ministram kultury byŭ pryznačany akcior Rusłan Čarniecki. Kamientujučy heta pryznačeńnie, Mikałaj Chalezin zaŭvažyŭ:

«A čym heta lepš za načalnika adździeła kadraŭ šklanoha kambinatu? (Z 2005 pa 2009 hod Ministerstva kultury ŭznačalvaŭ kolišni adnakurśnik Łukašenki Uładzimir Matviajčuk, jaki raniej byŭ dyrektaram pa kadrach i ideałohii na pradpryjemstvie «Połack-Škłovałakno» — NN). Taja ž fihnia. Hetyja ŭsie prystasavancy — heta takaja …»

Pa słovach Chalezina, u Biełarusi zachavaŭsia jašče saviecki padychod da kiravańnia śfieraj kultury, kali praź ministerstva idzie raźmierkavańnie hrošaj dla ŭsich ustanoŭ. Na jaho pohlad, tak nie pavinna być. Režysior pryvodzić prykład Vialikabrytanii, dzie na praciahu doŭhaha času žyvie.

«Ja nie viedaju, chto ministr kultury ŭ Vialikabrytanii. Jość niechta na hetaj pasadzie ci nie? Niecikava. I tut pavinna być mnie niecikava. Bo Ministerstva kultury pavinna zajmacca zachavańniem spadčyny. Usio, bolš ničoha. Muziei, biblijateki pavinny być, niejkija archivy i inšaje. I, napeŭna, dva teatry možna im addać. Voś vam Kupałaŭski, voś vam Opierny. Voś zajmajciesia. Z abaznačanym biudžetam. Astatniaje nie vaša sprava, nie leźcie. Tamu što kultura (mastactva — mnie bližej hety termin), pavinna žyć hetak ža svabodna, jak i pavinny biznesmieny žyć, jak i pavinny spartsmieny žyć».

«U Vialikabrytanii ministerstva zajmajecca tolki niejkimi kultavymi dla krainy [rečami]. Jany pavinny vieści pieramovy z ruskimi ab viartańni kryža Jeŭfrasińni Połackaj. Ci nabyvać «Bibliju» Skaryny, jakaja vystaŭlena na aŭkcyjon».

Chalezin zaŭvažaje, što Ministerstva kultury pavinna taksama finansavać prajekty, jakija buduć pakazany za miažoju. Dla hetaha ŭ jaho pavinny ŭvajści sapraŭdnyja ekśpierty.

«Heta erudziravanyja, tałkovyja, razumiejučyja ludzi. Ich [u Biełarusi] nie tak mała, jak padajecca. I ŭsio. I tady dakładna nichto nie zhadaje proźvišča [ministra kultury].

I [ministram] budzie nie hety akcioryška. Jon dakładna nie zmoža takim stać. Tamu što jamu jašče treba zrazumieć, što takoje kryž Jeŭfrasińni Połackaj, słucki pojas. Jon dumaje, što heta papruha, jakoj bacia jaho łupcavaŭ, zroblenaja ŭ Słucku na skurahałantarejnaj fabrycy».

Hladzicie całkam:

Kamientary3

  • +
    23.12.2024
    voś tut ź im nielha nie pahadzicca
  • -
    23.12.2024
    "Bo Ministerstva kultury pavinna zajmacca zachavańniem spadčyny. Usio, bolš ničoha."
    a tut naadvarot rujnujecca... zabaraniajucca knihi ŭ tym liku biełaruskich kłasikaŭ i h.d.
  • Teatralny krytyk
    23.12.2024
    Z Čarnieckaha mocna pruć kompleksy aktora z tannych rasiejskich sieryjałaŭ. Heta kali vielmi chočacca słavy, ale hladač navat nie pamiataje, što było ŭ papiaredniaj sieryi mylnaj opiery, a časam navat nia viedaje jaje nazvy. Voś zajzdrojsclivy Čarniecki i sprabuje samazaćvierdzicca praź biaźmiežnaje chałujstva da ŭzurpatara i začystku biełaruskaj kultury ad usich, chto vyšejšy za jaho pa ŭzroŭni.

«This f*cking AI». Pierakładčyk Łukašenki vyłajaŭsia prosta pry prezidencie AAE VIDEA

«This f*cking AI». Pierakładčyk Łukašenki vyłajaŭsia prosta pry prezidencie AAE VIDEA

Usie naviny →
Usie naviny

Minsk pačaŭ atrymlivać tramvai ź nizkaj padłohaj. Voś jak jany vyhladajuć8

Na katku na Niamizie ŭ Minsku pamior čałaviek5

Rektar BDU pra žonku: U nas cyvilizavanyja dahavornyja adnosiny8

U Staŭrapolskim krai RF vybuchnuŭ łarok ź fiejervierkami VIDEA1

Samalot ZŠA padbili «siabroŭskim ahniom» nad Čyrvonym moram1

«Heta litaralna zryvaje dach!» Televiadučaja Lucyja Hieraščanka raspaviała pra pajezdku ŭ Indyju z synam8

Užo tydzień u Rasii nie mohuć znajści mužčynu, jaki zabiŭ palicejskaha, a paśla zhvałciŭ i zabiŭ jaho maładuju žonku12

«Skrali try partsihary, try kurtki». Viciebski hubiernatar abvinavaciŭ pradprymalnikaŭ u pierabolšvańni nastupstvaŭ pažaru3

Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda69

bolš čytanych navin
bolš łajkanych navin

«This f*cking AI». Pierakładčyk Łukašenki vyłajaŭsia prosta pry prezidencie AAE VIDEA

«This f*cking AI». Pierakładčyk Łukašenki vyłajaŭsia prosta pry prezidencie AAE VIDEA

Hałoŭnaje
Usie naviny →